Masalmo 55:1-23
Kuna nyakutsogolera nyimbo; toera iimbwe na pyakuimba napyo pya nkhambala. Masikili.* Nyimbo ya Dhavidhi.
55 Mulungu, bveserani phembero yanga,+Pontho lekani kukhonda phembo yanga yakundibvera ntsisi.*+
2 Ndibvesereni mwadidi, pontho nditawireni.+
Nyatwa zanga zisandidzudzumisa.+Ine nkhabe dziwa cakucita,
3 Thangwi ya pinthu pinalonga nyamalwa wanga,Pontho thangwi yakuthuswa na anyakuipa.
Iwo asandibweresera nyatwa zizinji kakamwe,Iwo aipirwa na ine, pontho akundiida kakamwe.+
4 Ine ndisadzudzumika muntima mwanga,+Pontho ndisagopa kakamwe kufa.+
5 Ine ndiri kutetemera na kugopa,Pontho ndiri kudzadzamira.
6 Ine ndisalonga: “Mbindidakhala na maphapido ninga nkhangaiwa!
Mbidamburuka mbandienda kutali kakhala pa mbuto yakutsidzikizika.
7 Onani! Ine mbandidathawira kutali kakamwe.+
Ine mbandidaenda kakhala nʼthando.+ (Sela)
8 Mwakucimbiza ine mbandidaenda pa mbuto yacitsidzikizo,Ine mbandidathawa nyatwa zakuti ndi ninga mphepo ikulu na condzi.”
9 Yahova, balalisani manyerezero awo, pontho pingizani masasanyiro awo,+Thangwi ine ndisaona uphanga na uviyaviya mu nzinda.
10 Iwo asazungulira mpanda wa nzinda unoyu masiku na masikati;Nkati mwa nzinda unoyu muna uipi na nyatwa.+
11 Nyatwa ziri konsene kwene mu nzinda unoyu;Pa mbuto inagumanyikana anthu a mu nzinda unoyu, ndzidzi onsene pasaoneka kupondererana na kuphatisana mwala.+
12 Thangwi ananditikana si nyamalwa tayu;+Mbadakhala ndi nyamalwa, ine mbindidapirira.
Anandisandukira si nyamalwa tayu;Mbadakhala ndi nyamalwa, ine mbidamʼbisalira.
13 Mbwenye ndiwe, munthu ninga na ine,*+Ndzanga wakuti ndisandziwa mwadidi.+
14 Ife tikhali axamwali a ponda ndipondembo;Tikhaenda pabodzi na mwinji mpaka kunyumba ya Mulungu.
15 Mbafudzwe anyamalwa anga!+
Mbaende Munthumbi* mbali mʼmaso;Thangwi uipi uli mʼmitima mwawo na mʼmbuto zinakhala iwo.
16 Mbwenye ine ndinacemera Yahova Mulungu,Pontho iye anandipulumusa.+
17 Ine ndisathabuka, pontho ndisabulira kutomera macibese mpaka maulo,+Pontho iye asabva fala yanga.+
18 Iye anadzandipulumusa* mʼmanja mwa ale anamenyana na ine, pontho anandipasa ntendere,Thangwi ndi azinji anabwera kudzamenyana na ine.+
19 Mulungu anadzabva, mbaatawira,+Inde, ule adakhala pa mpando waumambo kutomera kale kakamwe.+ (Sela)
Ale akuti nkhabe kugopa Mulungu,Anadzakhonda kucinja.+
20 Iye* asandukira anthu akuti akhali muntendere na iye;+Iye nee akwanirisa cibverano cace.+
21 Mafalace ndi akufewa kupiringana mantega,+Mbwenye muntima mwace muli na uipi.
Mafalace ndi akuphuruza kupiringana mafuta,Mbwenye iwo ndi ninga masupada akutwa.+
22 Siyirani Yahova nyatwa zanu zonsene,*+Pontho iye anadzakuphedzani.+
Iye nkhabe kudzatawirisa kuti munthu wakulungama agwe.*+
23 Mbwenye imwe Mulungu, munadzaponya anyakuipa munthumbi.+
Ale ali na mulando wa ciropa na ale analonga uthambi anadzafa mwakucimbiza.+
Mbwenye ine, ndinanyindira imwe.
Pidzindikiro Pyapantsi
^ Onani Mabvekero a Mafala Anango.
^ Peno: “Lekani kubisala ndingacita phembero yakuphemba ciphedzo.”
^ Peno: “munthu, wakulandana na ine.”
^ Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
^ Fala na Fala: “anadzandiombola.”
^ Unoyu ndi xamwali wace wakale analongwa pa vesi 13 na 14.
^ eno: “mitolo yanu yonsene.”
^ Peno: “adzedzereke.”
