Masalmo 46:1-11

  • “Mulungu ndi pakuthawira pathu”

    • Pinthu pyakudzumisa pidacita Mulungu (8)

    • Mulungu asamalisa nkhondo pa dziko yonsene yapantsi (9)

Kuna nyakutsogolera nyimbo. Nyimbo ya ana a Kora.+ Mwakubverana na maimbiro a Alamoti.* Nyimbo. 46  Mulungu ndi pakuthawira pathu na mphambvu yathu,+Ndzidzi onsene iye ali dzololo toera kutiphedza tingakhala pa nyatwa.+   Na thangwi ineyi, ife nkhabe kugopa, maseze dziko icinje,Ngakhale mapiri agwe mʼbara yakuzika,+   Maseze madzi ace akuke mbakhala na mapobvu,+Maseze mapiri atekenyeke thangwi ya kukuka kwawo. (Sela)   Pana nkulo wakuti wagawika mbukhala na mikulo inango mingʼono yakuti isacitisa anthu anakhala mu nzinda wa Mulungu kutsandzaya,+Wakuti ndi tabhernakulo ikulu yakucena ya Mulungu Wakudzulu Kakamwe.   Mulungu ali mu nzinda,+ na thangwi ineyi nzinda unoyu nkhabe kufudzwa. Mulungu anabwera kudzauphedza mʼbambakuca.+   Mbumba zikucita uviyaviya, maumambo afudzika;Iye akhuwa, dziko yapantsi mbinyunguluka.+   Yahova wa anyankhondo ali na ife;+Mulungu wa Yakobe ndi mbuto yathu yakuthawira yakutsidzikizika.* (Sela)   Bwerani mudzaone pinthu pidacita Yahova,Onani pinthu pyakudzumisa pinacita iye pa dziko yapantsi.   Iye asamalisa nkhondo pa dziko yonsene yapantsi.+ Iye asakhumula mauta mbagwanda-gwanda madipa;Iye asapisa pa moto ngolo za nkhondo.* 10  “Perekekani, pontho dziwani kuti ine ndine Mulungu. Ine ndinadzakuzwa pakati pa madzindza;+Ine ndinadzakuzwa pa dziko yapantsi.”+ 11  Yahova wa anyankhondo ali na ife;+Kuna ife, Mulungu wa Yakobe ndi mbuto yakuthawira yakutsidzikizika.+ (Sela)

Pidzindikiro Pyapantsi

Peno: “mbuto yakuthawira ya pa nthunda.”
Munjira inango: “maxango.”