Masalmo 29:1-11

  • Fala yamphambvu ya Yahova

    • Kulambira na nguwo zakusowa midonthi (2)

    • “Mbiri ya Mulungu isadhima ninga njazi” (3)

    • Yahova asapasa mphambvu mbumba yace (11)

Nyimbo ya Dhavidhi. 29  Pasani Yahova pidathema iye, imwe ana a anthu amphambvu,Pasani Yahova pidathema iye thangwi ya mbiri yace na mphambvu zace.+   Pasani mbiri dzina yakuthema ya Yahova. Bvalani nguwo zakusowa midonthi* mbamugodamira Yahova.*   Fala ya Yahova isabveka padzulu pa madzi;Mbiri ya Mulungu isadhima ninga njazi.+ Yahova ali padzulu pa madzi mazinji.+   Fala ya Yahova ndi yamphambvu kakamwe;+Fala ya Yahova ndi ya mbiri.   Fala ya Yahova isagwisa miti ya sedhro;Inde, Yahova asagwanda-gwanda miti ya sedhro ya ku Libhano.+   Iye asacitisa Libhano* kunumpha-numpha ninga mwanangʼombe,Pontho Siriyoni+ ninga mwana nyati.*   Fala ya Yahova isabulusa malirimi a moto;+   Fala ya Yahova isacitisa thando kutetemera;+Yahova asacitisa thando ya Kadhesi kutetemera.+   Fala ya Yahova isacitisa mbawala kutetemera, mbazibala*Pontho isagwisa masamba a miti ya mʼmisitu.*+ Onsene ali mu templo yace asalonga: “Mbiri kuna Mulungu!” 10  Yahova ali pa mpando wace waumambo padzulu pa madzi akudzala;+Yahova ali pa mpando wace waumambo ninga Mambo kwenda na kwenda.+ 11  Yahova anadzapasa mphambvu mbumba yace.+ Yahova anadzapasa nkhombo anthu ace toera akhale muntendere.+

Pidzindikiro Pyapantsi

Peno: “zakucena.”
Munjira inango: “Godamirani Yahova thangwi yakucena kwace.”
Peno: “mwanangʼombe wantsanga.”
Panango ndi mapiri a ku Libhano.
Peno: “mbaziteya.”
Fala na Fala: “Asadulisa miti ya mʼmisitu.”