Masalmo 28:1-9
-
Phembero ya nyamasalmo yabviwa
-
“Yahova ndi mphambvu yanga na xango yanga” (7)
-
Nyimbo ya Dhavidhi.
28 Ndzidzi onsene ine ndisacemera imwe Yahova, Mwala wanga;+Lekani kusiya kundibvesera.
Mungakhonda kunditawiraNdinakhala ninga ale anaenda nʼdjenje.*+
2 Bveserani kudembetera kwanga ndingakuphembani ciphedzoNdingalamusa manja anga mbandiyangʼana mbuto Yakucena Kakamwe ya templo yanu.+
3 Lekani kunditcunyusa pabodzi na anthu anacita pyakuipa, pabodzi na anthu auphanga,+Ale analonga mafala antendere na andzawo, mbwenye mʼmitima mwawo mwadzala na pyakuipa.+
4 Atcunyuseni mwakubverana na macitiro awo,+Mwakubverana na makhaliro awo akuipa.
Atcunyuseni mwakubverana na mabasa a manja awo,Mwakubverana na pinacita iwo.+
5 Thangwi iwo nee asasaka kubvesesa mabasa a Yahova,+Nee mabasa a manja ace.+
Iye anadzaagwisa, pontho nee anadzapasa nkhombo kuwangisira kwawo.
6 Mbasimbwe Yahova,Thangwi iye abva kudembetera kwanga toera kuphemba ciphedzo.
7 Yahova ndi mphambvu yanga+ na xango yanga;+Ntima wanga usanyindira iye.+
Ine ndatambira ciphedzo cace, pontho ntima wanga watsandzaya,Natenepa ndinansimba na nyimbo yanga.
8 Yahova ndi mphambvu kuna mbumba yace;Iye ndi mbuto yakubisalira toera kupulumusa nyakudzodzwa wace.+
9 Pulumusani mbumba yanu, pontho pasani nkhombo anthu anu.+
Atsalakaneni mwadidi ninga mabira, pontho akwateni mʼmanja mwanu kwenda na kwenda.+
Pidzindikiro Pyapantsi
^ Peno: “munthumbi.”
