Masalmo 19:1-14
Kuna nyakutsogolera nyimbo. Nyimbo ya Dhavidhi.
19 Kudzulu kusadziwisa mbiri ya Mulungu;+Thambo isadziwisa mabasa a manja ace.+
2 Ntsiku na ntsiku kudzulu kusabuluka mafala,Pontho ntsiku zonsene namasiku kusapangiza udziwisi.
3 Kudzulu nkhabe longa, pontho nkhabeko mafala;Kudzulu nkhabe kubveka fala.
4 Mbwenye kudzulu kusapereka umboni* pa dziko yonsene yapantsi,Pontho mphangwa zakudzulu zafika mʼmbuto zakutali kakamwe za pa dziko yapantsi.+
Kudzulu iye acita nsasa toera dzuwa ikhalemo;
5 Iyo isakhala ninga mankhadzi wakuti amala kwene kumanga banja akubuluka nkwartu;Iyo isakomerwa ninga mamuna wamphambvu anathamanga mu nseu.
6 Dzuwa isabuluka kunkhomo ibodzi yakudzulu,Pontho isazungulira mpaka kunkhomo inango;+Nkhabe mbuto inakhonda kufika kupisa kwayo.
7 Mwambo wa Yahova ndi waungwiro,+ usacitisa munthu kukhala pontho na mphambvu.+
Mitemo ya Yahova ndi yakunyindirika,+ isacitisa munthu wakusowa maluso kukhala waudziwisi.+
8 Matongero a Yahova ndi akulungama, asacitisa ntima kukhala wakutsandzaya;+Pitsogolero pya Yahova ndi pyakucena, pisacitisa maso kuyetimira.+
9 Kugopa Yahova ndi kwadidi,+ kusakhala kwenda na kwenda.
Njira zinaphatisira Yahova toera kutonga ndi zandimomwene, zakulungama mʼmakhundu onsene.+
10 Njira zace zakutonga ndi zadidi kakamwe kupiringana ouro,+Kupiringana ouro yadidi kakamwe;Zisatapira kakamwe kupiringana uci,+ ule unadjodja mʼmakhana.
11 Ntumiki wanu asacenjezwa na njira zenezi;+Kukoya njira zenezi kusabweresa nkhombo.+
12 Mbani anakwanisa kudzindikira madodo ace?+
Ndilekerereni madawo adacita ine mwakukhonda dziwa.
13 Lekani kunditawirisa kucita pinthu mwakudzikuza;+Lekani kutawirisa kuti pinthu pyenepi pindikunde.+
Penepo ndinadzakhala wakusowa mulando,+Pontho ndinadzakhala wakusowa madawo mazinji.
14 Mafala anabuluka pamulomo panga na pinanyerezera ntima wangaMbapikhale pyakutsandzayisa kuna imwe+ Yahova, Mwala wanga+ na Mpulumusi wanga.+
Pidzindikiro Pyapantsi
^ Munjira inango: “nkhambala yakupima nayo.”
