Masalmo 149:1-9
149 Simbani Yahova!*
Imbirani Yahova nyimbo ipswa;+Nsimbeni mu mpingo wa anthu ace akukhulupirika.+
2 Izraeli mbatsandzaye na Nciti wace Wankulu;+Ana a Sioni mbakomerwe na Mambo wawo.
3 Iwo mbasimbe dzina yace uku mbakabvina,+Pontho mbaphatisire pandero na arpa toera kuimba nyimbo zakunsimba.+
4 Thangwi Yahova asakomerwa na mbumba yace.+
Iye asapulumusa anthu akupfulika.*+
5 Anthu akukhulupirika mbatsandzaye thangwi ya mbiri yawo;Mbakhuwe mwakutsandzaya mʼmatalimba mwawo.+
6 Pamulomo pawo mbapabuluke nyimbo zakusimba Mulungu,Pontho mbaphatire mʼmanja mwawo supada yakuceka uku na uku,
7 Toera kubwezera anthu a madzindza anangoNa kutcunyusa mbumba,
8 Toera kumanga amambo awo na maunyolo,Pontho toera kumanga anthu awo akulemedzeka na matandadza a utale,
9 Toera kuatonga mwakubverana na pidalembwa thangwi ya iwo.+
Mbiri ineyi ndi ya anthu ace onsene akukhulupirika.
Simbani Yahova!*
