Masalmo 145:1-21
Nyimbo yakusimba ya Dhavidhi.
א [Alefi]
145 Mulungu wanga Mambo, ine ndinadzakupasani mbiri,+Ine ndinadzasimba dzina yanu kwenda na kwenda.+
ב [Bheti]
2 Ntsiku zonsene ine ndinakusimbani;+Ine ndinadzasimba dzina yanu kwenda na kwenda.+
ג [Gimeli]
3 Yahova ndi wankulu, pontho athema kakamwe kusimbwa;+Ukulu wace ife nee tinakwanisa kuubvesesa.+
ד [Dhaleti]
4 Ubalwi na ubalwi unadzasimba pidacita imwe;Iwo anadzalonga pya mabasa anu amphambvu.+
ה [He]
5 Iwo anadzalonga pya kukula kwa mphambvu zanu zakudzumisa,+Pontho ine ndinanyerezera mabasa anu akudzumisa.
ו [Vau]
6 Iwo anadzalonga pya mabasa anu akudzumisa,*Pontho ine ndinadzalonga pya ukulu wanu.
ז [Zaine]
7 Iwo anadzalonga mwakukomerwa kakamwe angakumbuka udidi wanu ukulu,+Pontho anadzakhuwa mwakukomerwa thangwi ya ulungami wanu.+
ח [Heti]
8 Yahova ndi wantsisi na wakukoma ntima,*+Wakupirira* na waufuni kakamwe.*+
ט [Tete]
9 Yahova ndi wadidi kuna onsene,+Pontho mabasace onsene asapangiza ntsisi zace.
י [Yodhe]
10 Yahova, mabasa anu onsene anadzakupasani mbiri,+Pontho anthu akukhulupirika kuna imwe anadzakusimbani.+
כ [Kafe]
11 Iwo anadzadziwisa mbiri ya utongi wanu,+Pontho anadzalonga pya mphambvu zanu,+
ל [Lamedhi]
12 Toera adziwise anango pya mabasa anu amphambvu,+Na mbiri ikulu ya umambo wanu.+
מ [Memi]
13 Umambo wanu ndi umambo wakukhonda mala,Pontho utongi wanu unadzakhala kwenda na kwenda.+
ס [Sameki]
14 Yahova asaphedza onsene ale adagwa,+Pontho asalamusa onsene ale adakotama.+
ע [Ayine]
15 Anthu onsene asadikhira ciphedzo canu;Imwe musaapasa cakudya pa ndzidzi wakuthema.+
פ [Pe]
16 Imwe musafungula djanja yanuMbamukwanirisa cifuno ca pinthu pyonsene piri na umaso.+
צ [Tsadhe]
17 Yahova ndi wakulungama munjira zace zonsene,+Pontho ndi wakukhulupirika mu pinthu pyonsene pinacita iye.+
ק [Kofe]
18 Yahova ali dhuzi na onsene anancemera,+Onsene anancemera mwakubverana na undimomwene.*+
ר [Rexi]
19 Iye asakwanirisa pinafuna ale ananʼgopa;+Iye asabva nʼkhuwo wawo wakuphemba ciphedzo, pontho iye asaapulumusa.+
ש [Xini]
20 Yahova asatsidzikiza onsene ale ananfuna,+Mbwenye iye anadzafudza anthu onsene anacita pyakuipa.+
ת [Tau]
21 Mulomo wanga unadzasimba Yahova;+Pinthu pyonsene pya umaso mbapisimbe dzina yace yakucena kwenda na kwenda.+
