Masalmo 143:1-12
Nyimbo ya Dhavidhi.
143 Yahova, bveserani phembero yanga;+Bveserani kudembetera kwanga toera kuphemba ciphedzo.
Nditawireni mwakubverana na kukhulupirika kwanu na ulungami wanu.
2 Lekani kutonga ntumiki wanu,Thangwi mwa ale ali mʼmaso nkhabepo wakulungama pamaso panu.+
3 Thangwi nyamalwa akunditcinga;Iye atingʼindira pantsi umaso wanga.
Iye andicitisa kukhala ncidima ninga ale adafa kale kakamwe.
4 Ine ndafewa manungo,+Mphambvu zanga zamaliratu.+
5 Ine ndisakumbuka ntsiku zakale;Ine ndisanyerezera mabasa anu onsene;+Ndisanyerezera* mwadidi pya mabasa a manja anu.
6 Ine ndalamusa manja anga kuna imwe mbandicita phembero;Ine ndisadikhira imwe ninga mataka akuuma anadikhira madzi toera abvumbe.+ (Sela)
7 Yahova, nditawireni mwakucimbiza;+Mphambvu zanga zamaliratu.+
Lekani kundibisira nkhope yanu,+Toera ndikhonde kukhala ninga ale anaenda nʼdjenje.*+
8 Ndicitiseni kuti ndibve pya ufuni wanu wakukhonda mala namacibese,Thangwi ine ndisanyindira imwe.
Ndipangizeni njira inafunika ine kufamba,+Thangwi umaso wanga uli mʼmanja mwanu.
9 Yahova, ndipulumuseni mʼmanja mwa anyamalwa anga.
Ine ndisanyindira citsidzikizo canu.+
10 Ndipfundziseni toera ndicite cifuno canu,+Thangwi imwe ndimwe Mulungu wanga.
Nzimu wanu ndi wadidi,Iwo mbunditsogolere mu dziko yaulungami.
11 Yahova, ndikoyeni na umaso thangwi ya dzina yanu.
Ndipulumuseni* mu nyatwa, mwakubverana na ulungami wanu.+
12 Thangwi ya ufuni wanu wakukhonda mala, fudzani* anyamalwa anga;+Fudzani onsene ananditcinga,*+Thangwi ine ndine ntumiki wanu.+
Pidzindikiro Pyapantsi
^ Peno: “Ndisapfundza.”
^ Peno: “munthumbi.”
^ Peno: “Pulumusani umaso wanga.”
^ Fala na Fala: “matamisani.”
^ Peno: “anatcinga umaso wanga.”
