Masalmo 113:1-9

  • Mulungu wakuti ali kudzulu, asalamusa ntcerengi

    • Dzina ya Yahova inadzasimbwa kwenda na kwenda (2)

    • Mulungu asakotama (6)

113  Simbani Yahova!* Imwe atumiki ace, simbani Yahova,Simbani dzina ya Yahova.  2  Mbisimbwe dzina ya YahovaKutomera cincino mpaka kwenda na kwenda.+  3  Kutomera kumabulukiro a dzuwa mpaka kumadokero a dzuwaMbisimbwe dzina ya Yahova.+  4  Yahova ali padzulu kakamwe pakati pa madzindza onsene;+Mbiri yace isapiringana kudzulu.+  5  Mbani adalandana na Yahova Mulungu wathu,+Ule wakuti asakhala* kudzulu?  6  Iye asakotama toera kuona kudzulu na dziko yapantsi,+  7  Asabulusa pa pfumbi munthu wakusowa ciphedzo. Iye asabulusa ntcerengi pa dotha*+  8  Toera akhale pabodzi na atongi,Na atongi a mbumba yace.  9  Iye asacitisa nkazi wakuti nkhabe kubalaKukhala mama wakutsandzaya panyumba pace pabodzi na anace.*+ Simbani Yahova!*

Pidzindikiro Pyapantsi

^ Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
^ Peno: “ali pa mpando wace waumambo.”
^ Munjira inango: “pakhuku.”
^ Fala na Fala: “anace amuna.”
^ Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.

Copyrights for this publication