Ninga Mudazilembera Marko 16:1-8
-
Kulamuswa kwa Yezu muli akufa (1-8)
16 Pidapita ntsiku ya Sabudu,+ Mariya Madhalena,+ Mariya mai wace Tiyago na Salome agula mafuta akununkhira toera kuenda kakhwaza manungo a Yezu.+
2 Namacibese kakamwe pa ntsiku yakutoma ya sumana, iwo afika pa nthumbi pidamala kubuluka dzuwa.+
3 Iwo akhabvundzana okha-okha: “Mbani anafuna kutibulumundisira mwala pansuwo wa nthumbi?”
4 Mbwenye pidayangʼana iwo, aona kuti mwala ukhadabulumundiswa, maseze ukhali ukulu kakamwe.+
5 Pidapita iwo munthumbi, aona mʼphale mʼbodzi akhali nawa kukhundu yamadyo, iye akhadabvala nguwo zakucena, natenepa iwo agopa kakamwe.
6 Iye aapanga: “Lekani kugopa.+ Imwe mukusaka Yezu wa ku Nazareti adakhomerwa pamuti. Iye alamuswa muli akufa.+ Iye nee ali pano. Onani, iyi ndi mbuto ikhadagoneswa iye.+
7 Ndokoni kapange anyakupfundzace na Pedhru kuti: ‘Iye ali kuenda patsogolo panu ku Galileya.+ Imwe munadzamuona kweneko, ninga mudakupangani iye.’”+
8 Natenepa, pidabuluka iwo, athawa pa nthumbi mbakatetemera na kugopa kakamwe. Mbwenye nee munthu mʼbodzi adapanga iwo pyenepi, thangwi iwo akhagopa.*+
Pidzindikiro Pyapantsi
^ Mwakubverana na matsamba akale akunyindirika, Evanjelyu ya Marku isamalisira na mafala ali pa vesi 8. Onani Apendise A3.
