Kronika Wakutoma 9:1-44
9 Aizraeli onsene alemberwa mwakubverana na madzindza awo, pontho iwo alemberwa M’bukhu ya Amambo a Izraeli. Ayuda aendeswa ku ubitcu ku Bhabhilonya thangwi yakukhonda kukhulupirika kwawo.+
2 Adatoma kubwerera ku mbuto zawo m’mizinda yawo akhali Aizraeli anango, anyantsembe, Alevi na atumiki a mu templo.*+
3 Anthu anango a dzindza ya Yuda,+ ya Bhenjamini,+ ya Efraimu na ya Manase aenda kakhala ku Yerusalemu. Madzina awo ndi awa:
4 Utai mwana wa Amiyudhi, Amiyudhi mwana wa Omiri, Omiri mwana wa Imiri, Imiri mwana wa Bhani, wa dzindza ya Peresi+ mwana wa Yuda.
5 Mu dzindza ya Silo akhalipo Azaya wakuti akhali mwana wakutoma na anace.
6 Mwa ana a Zera,+ akhalipo Yeweli na abale ace akukwana 690.
7 Mwa ana a Bhenjamini, akhalipo Salu mwana wa Mesulamu, Mesulamu mwana wa Odhaviya, Odhaviya mwana wa Asenuwa,
8 Ibheneya mwana wa Yeroamu, Ela mwana wa Uzi, Uzi mwana wa Mikiri; Mesulamu mwana wa Sefatiya, Sefatiya mwana wa Reuweli, Reuweli mwana wa Ibhiniya.
9 Abale awo adalemberwa mwakubverana na madzindza awo akhalipo 956. Amuna anewa onsene akhali atsogoleri a mbumba zawo.
10 Mwa anyantsembe akhalipo ndi awa: Yedhaya, Joyaribhi, Yakini,+
11 Azariya mwana wa Hilkiya, Hilkiya mwana wa Mesulamu, Mesulamu mwana wa Zadhoke, Zadhoke mwana wa Merayoti, Merayoti mwana wa Aitubhe. Aitubhe akhali ntsogoleri wa panyumba* ya Mulungu wandimomwene.
12 Adhaya mwana wa Yeroamu, Yeroamu mwana wa Pasuri, Pasuri mwana wa Malkiya. Akhalipombo Masai mwana wa Adhiyeli, Adhiyeli mwana wa Yazera, Yazera mwana wa Mesulamu, Mesulamu mwana wa Mesilemiti, Mesilemiti mwana wa Imeri,
13 pabodzi na abale awo akuti akhali atsogoleri a mbumba zawo, amuna amphambvu na aluso akukwana 1760, iwo akhali akukhunganyika toera kuphata basa panyumba ya Mulungu wandimomwene.
14 Mwa Alevi akhalipo Semaya+ mwana wa Asubhi, Asubhi mwana wa Azirikamu, Azirikamu mwana wa Asabhiya. Asabhiya akhali wa dzindza ya Merari;
15 Pontho akhalipo Bhakibhakari, Eresi, Galali, Mataniya mwana wa Mika, Mika mwana wa Zikri, Zikri mwana wa Azafe,
16 Obhadhiya mwana wa Semaya, Semaya mwana wa Galali, Galali mwana wa Yedhutuni; Bherekiya mwana wa Aza, Aza mwana wa Elikana; wakuti akakhala mucisa ca dzindza ya Netofa.+
17 Anyakuonera misuwo+ akhali Salumu, Akubhi, Talimoni na Aimani; m’bale wawo Salumu akhali ntsogoleri,
18 mpaka pa ndzidzi unoyu, iye akhatumikira pansuwo ukulu wa mambo kumabulukiro a dzuwa.+ Iwo akhali anyakuonera misuwo m’misasa ya Alevi.
19 Salumu mwana wa Kore, Kore mwana wa Ebhiyazafe, Ebhiyazafe mwana wa Kora na abale ace a dzindza ibodzi ene, akuti ndi a dzindza ya Kora akhali na basa yakuonera misuwo ya nsasa wa nsonkhano. Ambuyawo akhali na basa yakuonera pansuwo wa nsasa wa Yahova.
20 Kale, Fineya+ mwana wa Eleazare+ ndiye akhali ntsogoleri wawo, pontho Yahova akhali na iye.
21 Zakariya+ mwana wa Meselemiya akhali nyakuonera nsuwo wa nsasa wa nsonkhano.
22 Amuna onsene adasankhulwa toera kuphata basa yakuyang’anira misuwo akhali 212. Iwo akakhala mupisa pyawo ninga mudalemberwa iwo mwakubverana na madzindza awo.+ Dhavidhi na mprofeta Samweli+ aasankhula toera aphate basa ineyi thangwi yakunyindirika* kwawo.
23 Natenepa iwo na anawo akhali na basa yakuonera misuwo ya nyumba ya Yahova,+ yakuti ndi nsasa wa nsonkhano.
24 Anyakuonera misuwo akhalipo m’makhundu manai: Kumabulukiro a dzuwa, kumadokero, kunkwiriro na kunterero.+
25 Abale awo akuti akakhala mu mbuto zawo, akhabwera m’midzidzi idakhazikiswa toera kutumikira pabodzi na iwo mu ntsiku zinomwe.
26 Akhalipo anyakuonera misuwo anai amphambvu akuti akhaphata basa thangwi yakunyindirika kwawo. Iwo akhali Alevi, akhali na basa yakuonera mbuto zinadyera anthu, na yakuonera mpfuma ya panyumba ya Mulungu wandimomwene.+
27 Iwo akhaphuphudza mu mbuto zawo, n’khundu mwa nyumba ya Mulungu wandimomwene thangwi akhali na basa yakuonera. Pontho iwo akhadapaswa xavi, natenepa iwo akhafungula nyumba ntsiku zonsene namacibese.
28 Anango akhali na basa yakuonera pyombo+ pikhaphatisirwa pakulambira Mulungu; iwo akhapilengesa mu ndzidzi ukhabuluswa ipyo na mu ndzidzi ukhapitiswa ipyo.
29 Anango akhali na basa yakuonera pyombo pinango, kuphatanizambo pyombo pyonsene pyakucena,+ ufa wadidi kakamwe,+ vinyu,+ mafuta a azeti,+ olibhano+ na mafuta a bhalsamu.+
30 Ana anango a anyantsembe akhasasanya mafuta akununkhira anacitwa na mafuta a bhalsamu.
31 Matitiya wa dzindza ya Levi wakuti ndi mwana wakutoma wa Salumu wa dzindza ya Kora, apaswa basa yakutsalakana pinthu pikhaotcwa,+ thangwi yakunyindirika kwace.
32 Anango mwa abale awo a dzindza ya Kowati akhali na basa yakukhunganya mikate ya ntsembe*+ m’masabudu onsene.+
33 Anewa akhali anyakuimba, atsogoleri a mbumba ya Alevi akakhala m’masala akudyera, akuti nee akhafunika kuphata mabasa anango thangwi iwo akhafunika kuphata mabasa awo masiku na masikati.
34 Anewa akhali atsogoleri a mbumba ya Alevi adalemberwa mwakubverana na madzindza awo. Iwo akakhala mu Yerusalemu.
35 Jeiyeli, pai wace Jibheyoni+ akakhala ku Jibheyoni. Nkazace akhacemerwa Maaka.
36 Mwanace wakutoma akhali Abhidhoni, iye abalambo Zuri, Kisi, Bhaale, Neri, Nadhabhe,
37 Jedhori, Aiyo, Zakariya na Mikiloti.
38 Mikiloti abala Simeamu. Onsene akakhala dhuzi na abale awo mu Yerusalemu, pabodzi na abale awo anango.
39 Neri+ abala Kisi, Kisi abala Sauli,+ Sauli abala Yonatani,+ Malki-Suwa,+ Abhinadhabhi+ na Esibhaale.
40 Mwana wa Yonatani akhali Meribhi-Bhaale.+ Meribhi-Bhaale abala Mika.+
41 Ana a Mika akhali Pitoni, Meleki, Tareya na Ahazi.
42 Ahazi abala Yara, Yara abala Alemeti, Azimaveti na Zinri. Zinri abala Moza.
43 Moza abala Bhineya, Bhineya abala Refaya, Refaya abala Eliaza, Eliaza abala Azeli.
44 Azeli abala ana atanthatu, iwo akhacemerwa Azirikamu, Bhokeru, Ijimaeli, Seariya, Obhadhiya na Anane. Anewa akhali ana a Azeli.
Pidzindikiro Pyapantsi
^ Peno: “Anitineu.”
^ Peno: “wa pa templo.”
^ Peno: “thangwi yakukhulupirika.”
^ Fala na Fala: “mikate yacipangizo.”
