Skip isi nuh

Skip ndug menu da buken

Saksi-Saksi Yehuwa

Bidayuh (Bukar)

Anihkah Rahsia Pinyanang Abih Ruang-Mamba?

Anihkah Rahsia Pinyanang Abih Ruang-Mamba?

Aduhkah da pinikir amu . . .

  • kasih sayang?

  • duit ringgit?

  • kayuh buken?

 ANIH DA KUAN BIBLE

“Sanang lagi asung bala inya ka aduh kaping sanda Tampa lalu ngajah nuh!”—Lukas 11:28, Bible Terjemahan Dunia Baru.

ANIH RATI SITI KANUG AMU

Napud kasih sayang da simenu.Efesus 5:28, 29.

Ngirasa tabi hormat da menu.Efesus 5:33.

Aduh rasa silamat da simenu.Markus 10:6-9.

 BULEHKAH KITA MENU-MENU PICHAYA ANIH DA KUAN BIBLE?

Buleh, aduh labih masu duwuh sabab:

  • Tampa da nagih pimudip ruang-mamba. Kuan Bible, “Simua ruang-mamba . . . birutang purih” kanug Tampa Yehuwa. (Efesus 3:14, 15) Rati siti, sitiap ruang-mamba jaji aduh sabab Tampa Yehuwa ngundah nuh. Manihkah siti penting?

    Chuba pinikir: Wang amu ngirasa kayuh da tanuk inya sidi, ndug asih amu nyiken ramuan nuh? Misti nuh masu inya da nanuk nuh?

    Mung en lagih, kan adup ira belajar pasal rahsia pinyanang ruang-mamba, adup misti mikir pasal Tampa Yehuwa da nagih atur ruang-mamba.—Kejadian 2:18-24.

  • Tampa piduli pasal kita. Mamba sipatut ngagau sanda pijuan masu Tampa Yehuwa, da buleh kita tubek masu Bible. Manih? “Sabab Sien piduli pasal amu.” (1 Petrus 5:6) Tampa Yehuwa silalu aduh kayuh paguh da asung nuh dadeg kita—mung sien lagih sanda pijuan nuh silalu buleh udog tinan!—Amsal 3:5, 6; Yesaya 48:17, 18.

 CHUBA PINIKIR

Mung anihkah amu buleh jaji asau, banuh, ato andu amang da paguh?

Bible nyaut sanda pinyiken siti da EFESUS 5:1, 2 dangan KOLOSE 3:18-21.