Skip isi nuh

Skip ndug menu da buken

Saksi-Saksi Yehuwa

Bidayuh (Bukar)

Bulehkah Inya da Mbuh Kabus Mudip Balik?

Bulehkah Inya da Mbuh Kabus Mudip Balik?

Aduhkah amu manang . . .

  • aye?

  • kaie?

  • brangkali?

 ANIH DA KUAN BIBLE

“Inya da mbuh kabus ira udog kudip balik.”Kisah Rasul-Rasul 24:15, Alkitab Berita Baik.

ANIH RATI SITI KANUG AMU

Pingibur wang inya da suut adup kabus.2 Korintus 1:3, 4.

Kaie tirawu pingabus.Ibrani 2:15.

Menu-menu arap kanan bidapud lagi dangan inya da kabus da mbuh udog kudip balik.Yohanes 5:28, 29.

 BULEHKAH KITA MENU-MENU PICHAYA ANIH DA KUAN BIBLE?

Buleh, aduh labih masu taruh sabab:

  • Tampa incheh Pinampa simua pimudip. Bible nyabut Tampa Yehuwa puun pimudip. (Mazmur 36:10; Kisah Rasul-Rasul 17:24, 25) Sien nyugon asung ndug simua da mudip, jaji Sien buleh kudip balik inya da mbuh kabus.

  • Tampa aduh kudip balik inya da mbuh kabus ngamin nuh. Bible pidaan aduh kisah mahi urang inya ngamin nuh—ungod, tuuh, dari dangan dayung—da mbuh kabus udog kudip balik. Aduh bala sien melu kabus, pak indi urang mbuh umpat andu nuh da kubur.Yohanes 11:39-44.

  • Tampa nimang suka ira kudip lagi inya da mbuh kabus. Yehuwa kaie suka pingkabus; Sien tubuk pingkabus mung musuh nuh. (1 Korintus 15:26) Tampa ira menu-menu nyigan pingkabus. Sien menu suka rayu ira kudip balik inya da dalam pikir nuh, mudip da dunya lagi.Ayub 14:14, 15.

 CHUBA PINIKIR

Manihkah kita jaji tuuh dangan kabus?

Bible nyaut sanda pinyiken siti da KEJADIAN 3:17-19 dangan da ROMA 5:12.