Skip isi nuh

Skip ndug menu da buken

Saksi-Saksi Yehuwa

Bidayuh (Bukar)

Mung Anih Amu Tubuk Masa Silung Andu?

Mung Anih Amu Tubuk Masa Silung Andu?

Aduh kah dunya kita . . .

  • ira samah mung da iti nuh?

  • ira jaji lagi biek?

  • ira jaji labih paguh?

 ANIH DA KUAN BIBLE

“Tampa . . . ira ngisu simua umo batuh masu simua batuh inya, anyap lagi pingkabus, pingawang, pimuas ato pingkandam. Simua kayuh siti ira anyap.”Wahyu 21:3, 4, Bible Terjemahan Dunia Baru.

ANIH RATI SITI KANUG AMU

Kiraja da biguna dangan muas asung.Yesaya 65:21-23.

Anyap lagi sigala macham pingkandam ato pinyusah.Yesaya 25:8; 33:24.

Pimudip ruang-mamba dangan bala dingan da sanang asung situhai-tuhai.Mazmur 37:11, 29.

 BULEHKAH KITA MENU-MENU PICHYAYA ANIH DA KUAN BIBLE?

Buleh, aduh labih masu duwuh sabab:

  • Tampa aduh kuasa meguh jangi nuh. Da kuan Bible, mina Tampa Yehuwa da pimadu bikuasa, sabab kuasa Sien anyap tanding nuh. (Wahyu 15:3) Jaji Sien menu-menu buleh meguh jangi nuh da ira menu-menu ngubah dunya jaji paguh. Da kuan Bible, “dangan Tampa, simua kayuh buleh jaji.”Matius 19:26.

  • Tampa aduh pingkira ira meguh jangi nuh. Tinan chunto, Tampa Yehuwa aduh pingkara ira kudip balik inya da mbuh kabus.Ayub 14:14, 15.

    Buk Bible pun aduh pidaan Anak Tampa, Jesus, aduh ngirian inya da mandam sani-ngamin. Manih nuh ngundah kayuh siti? Sabab Sien menu-menu ngajah chunto Tampa da aduh pingkira ira nulung inya da patut udog tulung.Yohanes 14:9.

    Jaji kita buleh menu-menu pichaya Tampa Yehuwa dangan Jesus ira nulung kita, sen kita buleh mudip sanang da silung andu.Mazmur 72:12-14; 145:16; 2 Petrus 3:9.

 CHUBA PINIKIR

Mung anih Tampa ira ngubah dunya kita jaji labih paguh?

Buk Bible nyaut sanda pinyiken siti da MATIUS 6:9, 10 dangan DANIEL 2:44.