Skip isi nuh

Skip ndug menu da buken

Saksi-Saksi Yehuwa

Bidayuh (Bukar)

Asih da Maguh Kuasa Dunya?

Asih da Maguh Kuasa Dunya?

Aduhkah amu pikir . . .

  • Tampa?

  • manusia?

  • inya buken?

 ANIH DA KUAN BIBLE

“Sitan meguh kuasa da siluruh dunya.”1 Yohanes 5:19, Bible Terjemahan Abad Baru.

“Anak Tampa mandug . . . ira pirusak kiraja Sitan.”1 Yohanes 3:8, Alkitab Berita Baik.

ANIH RATI SITI KANUG AMU

Pinarang da buleh udog tirima pasal pinyusah dunya.Wahyu 12:12.

Sabab da buleh udog pichaya dunya kita ira birubah jaji paguh.1 Yohanes 2:17.

 BULEHKAH KITA MENU-MENU PICHAYA ANIH DA KUAN BIBLE?

Buleh, aduh labih masu taruh sabab:

  • Kuasa pimirintah Sitan ira udog pinangan. Tampa Yehuwa menu-menu ira mangan kuasa pimaguh Sitan da manusia. Sien bijangi ira “mangan . . . Sitan” lalu ira ngubah paguh simua da mbuh udog pirusak Sitan.Ibrani 2:14.

  • Tampa mbuh milih Jesus mirintah dunya. Jesus menu-menu ka-ie samah dangan pimirintah dunya da kejam dangan rangka. Pasal pimirintah Jesus, Tampa bijangi “sien ira menu-menu masi dangan inya da sasi dangan misakin. Sien ira nulung inya da mbuh udog pijara.”Mazmur 72:13, 14.

  • Tampa ka-ie pandai ngakal. Buk bible tarang-tarang pidaan “Tampa menu-menu ka-ie pandai ngakal.” (Ibrani 6:18) Wang Tampa Yehuwa bijangi ira ngundah kayuh, simua siti ira udog pijaji nuh. (Yesaya 55:10, 11) Pimirintah dunya iti nuh ira udog sigan pinangan.”Yohanes 12:31.

 CHUBA PINIKIR

Mung anihkah dunya silapas inya da maguh kuasa nuh udog sigan?

Buk Bible aduh nyaut sanda pinyiken siti da MAZMUR 37:10, 11 dangan WAHYU 21:3, 4.