Skip isi nuh

Skip ndug menu da buken

Saksi-Saksi Yehuwa

Bidayuh (Bukar)

Aduhkah Pinyusah Ira Anyap?

Aduhkah Pinyusah Ira Anyap?

Aduhkah amu manang . . .

  • aye?

  • ka-ie?

  • brangkali?

 ANIH DA KUAN BIBLE

“Tampa . . . ira ngisu umo batuh masu simua batuh inya, anyap lagi pingkabus, pinyusah, pimuas ato pingkandam.”Wahyu 21:3, 4, Bible Terjemahan Dunia Baru.

ANIH RATI SITI KANUG AMU

Buleh pichaya Tampa uken pinyabab pinyusah kita.Yakobus 1:13.

Sanang asung sabab Tampa pan ngirasa lema kita udog pinyusah.—Zakaria 2:8.

Ngarap simua pinyusah ira udog pinangan.Mazmur 37:9-11.

 BULEHKAH KITA MENU-MENU PICHAYA ANIH DA KUAN BIBLE?

Buleh, aduh labih masu duwuh sabab:

  • Tampa ka-ie suka pinyusah dangan ka-ie adil. Pikir nyam anih asung Tampa Yehuwa wang bangsa nuh da ngamin, Israel udog kasi inya. Bible nyabut Tampa Yehuwa mandam asung sabab “inya kasi bala sien.”—Hakim 2:18.

    Tampa menu ka-ie suka inya da kandam inya bukun. Tinan chunto, Bible nyabut “tangan da kinabus inya da ka-ie bisalah” kinaji nuh.—Amsal 6:16, 17.

  • Tampa piduli simua kita. Ka-ie nuh chuma kita manusia “da puan pinyusah dangan pingkandam adup, mung en lagih Tampa Yehuwa!—2 Tawarikh 6:29, 30.

    Minan pimirintah nuh, Tampa Yehuwa ka-ie tuhai lagi ira mangan pinyusah simua kita manusia. (Matius 6:9, 10) Da masa iti nuh, Sien dangan pingasih ngibur simua inya da menu-menu pichaya nuh.—Kisah para rasul 17:27; 2 Korintus 1:3, 4.

 CHUBA PINIKIR

Manihkah Tampa nganchak pinyusah bilaku?

Buk Bible nyaut sanda pinyiken siti da ROMA 5:12 dangan 2 PETRUS 3:9.