Talukilani kuya kubintu bili mukati

Talukilani kuya kubintu bing'ana byakusala

Bakamboni ba Yehova

Cisoli

Inga Bwami bwa Lesa Nicani?

Inga Bwami bwa Lesa Nicani?

Sena inga mukumbula eti . . .

  • nicintu owa cili mumoyo wamuntu?

  • nibuyumi bwaina bwakwilu?

  • nikamfulumende yakwilu?

 NCOIKUTE KWAMBA BAIBOLO

“Lesa wakwilu nakalete bwami bweti bukabule konongeka.”—Danieli 2:44.

“Mwana mutuloba lapewa kuli njafwe; ne kamfulumende nikabe mumakasa akendi.”—Yesaya 9:6.

MAPINDU NGOMWELA KUCANA MWASHOMA NCOIKUTE KWAMBA BAIBOLO

  • Nimukekale mukamfulumende yalulama yela kumunyamfwa mobene.Yesaya 48:17, 18.

  • Nimukabe nebuyumi bwaina nekukondwa mucishi canyowani ncetulapembelenga.Chivumbulutso 21:3, 4.

 SENA CANCINE-NCINE INGA TUSHOMA NCOIKUTE KWAMBA BAIBOLO?

Ee, pamulandu wabintu ibi bibili:

  • Yesu walalesha nceti bukense bwami bwa Lesa. Yesu walayisha beshikumukonka kupempelela Bwami bwa Lesa eti bwise nekuyanda kwakendi eti kwinshike pacishi capanshi. (Mateyu 6:9, 10) Yesu walensa bintu byalabonesha mweti ikakumbwilwe pempelo iyi.

    Mpwalikuba pacishi capanshi, Yesu walalyesha bantu banji, walasengula balwashi, kayi walapundusha bantu bafwa! (Mateyu 15:29-38; Yohane 11:38-44) Pakuba Mwami wakuntangu wa Bwami bwa Lesa, Yesu walaleshela limo kwina kwabintu mbyeti bukenshile bantu Bwami pacishi capanshi.—Chivumbulutso 11:15.

  • Bintu bilenshikinga mucishi bilashinishinga eti Bwami bwa Lesa buli pepi. Yesu walaambilila limo eti Bwami bwa Lesa kabutana buleta lumuno pacishi capanshi, pacishi conse nipakabe inkondo, nsala, kulilima na kutenkana kwa cishi.—Mateyu 24:3, 7.

    Ibi ebintu mbyetulabononga masuba ano. Emulandu wakendi twashoma kwamba eti Bwami bwa Lesa buli pepi kupwisha mapensho onse aya.

 MWIPUSHO ULAYANDIKINGA KUYEYAPO

Inga buyumi nibukabe aconi mu Bwami bwa Lesa?

Baibolo ikute kukumbula mwipusho uyu pa MASALIMO 37:29 ne YESAYA 65:21-23.