Talukilani kuya kubintu bili mukati

Talukilani kuya kubintu bing'ana byakusala

Bakamboni ba Yehova

Cisoli

Niyani Mucancine-ncine Lendeleshenga Cishi?

Niyani Mucancine-ncine Lendeleshenga Cishi?

Sena mwayeyenga eti ni . . .

  • Lesa?

  • bantu?

  • muntu umbi owa?

 NCOIKUTE KWAMBA BAIBOLO

“Cishi conse cili mumakasa amuntu waipa.”—1 Yohane 5:19, New World Translation.

“Mwana wa Lesa walabonekela kwamba eti apwaye ncito sha mutungushi.”—1 Yohane 3:8.

PINDU NJOMWELA KUCANA MWASHOMA MASWI AYA

Inga mwinshiba mulandu nicani kuli mapensho manji pacishi capanshi.—Chivumbulutso 12:12.

Inga muba nelushomo eti buyumi bwetu nibukabe cena kuntangu.—1 Yohane 2:17.

 SENA CANCINE-NCINE INGA TUSHOMA NCOIKUTE KWAMBA BAIBOLO?

Ee, pamulandu wabintu ibi bitatu:

  • Kulela kwa Satana nikukapwe. Yehova walasala kendi eti amwimanike Satana kulela bantu. Ukute kushomesha ‘kupwaya incito sha Mutungushi,’ nekubamba bintu byonse cena-cena mbyalaononga Satana.—Aheberi 2:14.

  • Lesa walasala Yesu Kilisitu kwamba eti alele cishi. Yesu washiyana maningi ne uyo lalelenga cishi waipa moyo. Kwamba sha bwami bwa Yesu, Lesa walashomesha eti: “Nakabanyumfwile inkumbo bantu bapenga ne bakandu . . . Nakabapulushe kukulyatililwa nekunkondo.”—Masalimo 72:13, 14.

  • Lesa nkaela kubepa. Baibolo ikute kwamba eti: ‘Nkacikonsheke kuli Lesa kubepa.’ (Aheberi 6:18) Ito na Yehova lashomeshe kwinsa cintu nacimo, cikute kwinshika! (Yesaya 55:10, 11) “Shikulela cishi nakafunyiwepo.”—Yohane 12:31.

 MWIPUSHO ULAYANDIKINGA KUYEYAPO

Inga buyumi nibukabe aconi pano pacishi shikulela ulipo bakamufunyapo?

Baibolo ikute kukumbula mwipusho uyu pa MASALIMO 37:10, 11 ne pa CHIVUMBULUTSO 21:3, 4.