Talukilani kuya kubintu bili mukati

Talukilani kuya kubintu bing'ana byakusala

Bakamboni ba Yehova

Cisoli

Sena Kupenga Nikukapwe?

Sena Kupenga Nikukapwe?

Sena inga mukumbula eti . . .

  • ee?

  • sobwe?

  • apona?

 NCOIKUTE KWAMBA BAIBOLO

“Lesa . . . nakapukute misoshi yonse mumenso abo, lufu nteti lukabeko kayi, nteti kukabe malila, kulila na kubabiwa.”—Chivumbulutso 21:3, 4, New World Translation.

PINDU NJOMWELA KUCANA MWASHOMA MASWI AYA

Nimukenshibe kwamba eti nteye Lesa ukute kuleta mapensho.—Yakobo 1:13.

Myoyo yenu nkayela kupenga mwenshiba eti Lesa ucinshi ncemukute kupenga.—Zekariya 2:8.

Inga mushoma eti mapensho nakapwe.—Masalimo 37:9-11.

 SENA CANCINE-NCINE INGA TUSHOMA NCOIKUTE KWAMBA BAIBOLO?

Ee, pamulandu wabintu ibi bibili:

  • Lesa wakupela kupenga ne kutalulama. Bonani Yehova Lesa ncalepilwa cindi bantu bakendi ba mucindi camu Baibolo mpobalapenshewa. Baibolo ikute kwamba eti Lesa walepilwa ne “abo bali kubanyakaika” bantu bakendi.—Oweruza 2:18.

    Lesa ukute kwipilwa ne abo bakute kupensha banabo. Mucikoshano, Baibolo ikute kwamba eti ‘Lesa nkabasuni bantu bakute kushina banabo.’—Miyambo 6:16, 17.

  • Lesa ukute kutushako mano umo ne umo. Nacikaba eti muntu uli yense ucinshi “mapensho akendi nebishikubaba mbyakute,” neye Yehova ucinshi!2 Mbiri 6:29, 30.

    Kupitila mu Bwami bwakendi, lino-lino Yehova nakapwishe mapensho abantu bonse. (Mateyo 6:9, 10) Pacindi cino, Lesa ukute kunyamfwilisha abo bakute kumuyandaula.—Machitidwe 17:27; 2 Akorinto 1:3, 4.

 MWIPUSHO ULAYANDIKINGA KUYEYAPO

Inga nicani Lesa ncakute kusuminishila mapensho?

Baibolo ikute kukumbula mwipusho uyu pa AROMA 5:12 ne pa 2 PETULO 3:9.