Talukilani kuya kubintu bili mukati

Talukilani kuya kubintu bing'ana byakusala

Bakamboni ba Yehova

Cisoli

Sena Nicancine-ncine Kwamba eti Bantu Balafwa Nibakabe Nebuyumi Kayi?

Sena Nicancine-ncine Kwamba eti Bantu Balafwa Nibakabe Nebuyumi Kayi?

Sena inga mukumbula eti . . .

  • ee?

  • sobwe?

  • apona?

 NCOIKUTE KWAMBA BAIBOLO

“Bantu . . . nibakapundushiwe.”—Machitidwe 24:15, New World Translation.

PINDU NJOMWELA KUCANA MWASHOMA MASWI AYA

Inga mucana lunyamfwo na bantu mbomusuni balafu.—2 Akorinto 1:3, 4.

Nkamwela kutina kufwa.—Aheberi 2:15.

Lushomo lwancine-ncine lwakubonana kayi ne bantu mbomusuni balafwa.—Yohane 5:28, 29.

 SENA CANCINE-NCINE INGA TUSHOMA NCOIKUTE KWAMBA BAIBOLO?

Ee, pamulandu wabintu ibi bitatu:

  • Lesa e Mulengi wabuyumi. Baibolo ikute kwamba eti Yehova Lesa e “shikutatikisha buyumi.” (Masalimo 36:9; Machitidwe 17:24, 25) Uyo walapa buyumi kubintu byonse byayoyonga ukute ngofu shakupa buyumi kubantu bafwa.

  • Lesa walapundushapo kendi bantu bafwa. Baibolo ikute kutwambila shabantu bali 8 balapundushiwapo kendi pano pacishi capanshi—bana, bamakulene, batuloba, ne batukashi. Nabamo balekala masuba ang’ana owa mucumbwe, umo pakati pabo walekala mucumbwe kwamasuba ali 4!—Yohane 11:39-44.

  • Lesa wayandishisha kupundusha bantu kayi. Yehova walupela lufu; ukute kulubona kuba eti mulwani. (1 Akorinto 15:26) Lesa “wayandishisha” kumulwana mulwani uyu, kulupwisha lufu kupitila mukupundusha abo balafwa. Wayandishisha maningi kubapundusha abo mbwalayeyenga kayi usuni eti bakabe nebuyumi kuntangu.—Yobu 14:14, 15.

 MWIPUSHO ULAYANDIKINGA KUYEYAPO

Inga nicani ncetukute kucekulila nekufwa?

Baibolo ikute kukumbula mwipusho uyu pa GENESIS 3:17-19 ne pa AROMA 5:12.