Talukilani kuya kubintu bili mukati

Talukilani kuya kubintu bing'ana byakusala

Bakamboni ba Yehova

Cisoli

Nicani Cisuniki eti Kamuli Mwakondwa Mubanga?

Nicani Cisuniki eti Kamuli Mwakondwa Mubanga?

Sena mwayeyenga eti ni . . .

  • kusunana?

  • mali?

  • bintu bimbi owa?

 NCOIKUTE KWAMBA BAIBOLO

“Bakondwa nibantu bakute kunyumfwa liswi lya Lesa nekulisebensesha!”—Luka 11:28, New World Translation.

PINDU NJOMWELA KUCANA MWASHOMA MASWI AYA

Kuba nebantu bamusuni cancine-ncine.—Aefeso 5:28, 29.

Kuba nebulemu bwancine-ncine.—Aefeso 5:33.

Kuba nebwikalo bwaina.—Maliko 10:6-9.

 SENA CANCINE-NCINE INGA TUSHOMA NCOIKUTE KWAMBA BAIBOLO?

Ee, pamulandu wabintu ibi bibili:

  • Lesa e Shikuyambisha cikwati. Baibolo ikute kwamba eti “mabanja onse” alatambula “lina” kufuma kuli Yehova Lesa. (Aefeso 3:14, 15) Ici cilaambanga eti, Yehova ewalabika bubambo bwabanja. Nimulandu cini ici cilayandikinga?

    Bonani mukoshano uyu: Ito kuli cakulya caina ncomusuni maningi kayi musuni eti mwinshibe ncebakute kuciteleka, nibani mbomwela kwipusha? Mwela kwipusha uyo laciteleke.

    Kwamba eti twinshibe cilayandikinga mubanja eti katuli twakondwa, twela kulanga kuli Yehova, Shikuyambisha bubambo bwabanja.—Genesis 2:18-24.

  • Lesa ukute kumushako mano. Mabanja ela kusenga lunyamfwilisho kuli Yehova ndwakute kupa kupitila mu Liswi lyakendi. Nimulandu cini kwinsa ico? ‘Pakwinga ukute kwashako mano.’ (1 Petulo 5:6, 7) Yehova ukute kumushako mano maningi—kayi mbyakute kwamba bikute kunyamfwa maningi.—Miyambo 3:5, 6; Yesaya 48:17, 18.

 MWIPUSHO ULAYANDIKINGA KUYEYAPO

Inga mwinsa aconi kwamba eti mube mulume, mukashi, na mushali waina?

Baibolo ikute kukumbula mwipusho uyu pa AEFESO 5:1, 2 ne pa AKOLOSE 3:18-21.