Talukilani kuya kubintu bili mukati

Talukilani kuya kubintu bing'ana byakusala

Bakamboni ba Yehova

Cisoli

Inga Buyumi Bwakuntangu Nibukabe Aconi?

Inga Buyumi Bwakuntangu Nibukabe Aconi?

Sena buyumi pacishi . . .

  • nibukabe owa cimo-cimo?

  • nibukaipe maningi?

  • nibukabe cena?

 NCOIKUTE KWAMBA BAIBOLO

“Lesa . . . nakapukute misoshi yonse mumenso abo, lufu nteti lukabeko kayi, nteti kukabe malila, kulila na kubabiwa. Bintu byakeendi bilapiti.”—Chivumbulutso 21:3, 4, New World Translation.

PINDU NJOMWELA KUCANA MWASHOMA MASWI AYA

Incito yaina.—Yesaya 65:21-23.

Malwashi kayi nemapensho alionse nteti akabeko.—Yesaya 25:8; 33:24.

Nimukacane buyumi bwaina kayi butapu, amwe nebanja yenu pamo nebanenu.—Masalimo 37:11, 29.

 SENA CANCINE-NCINE INGA TUSHOMA NCOIKUTE KWAMBA BAIBOLO?

Ee, pamulandu wabintu ibi bibili:

  • Lesa ukute ngofu shakwinsa bintu byonse mbyalashomesha. Mu Baibolo, Yehova Lesa endiye enka owa ukute kukwiwa eti “wa Ngofu Shonse,” pakwinga ukute ngofu shitapu. (Chivumbulutso 15:3) Emulandu wakendi inga ucikonsha kwinsa bintu byonse mbyalashomesha kwamba eti bibe cena. Kwelana ne nceikute kwamba Baibolo, “kuli Lesa bintu byonse bikute kukonsheka.”—Mateyu 19:26.

  • Lesa wayandishisha kwinsa mbyalashomesha. Mucikoshano, Yehova wayandishisha kubapundusha bantu bonse balafwa.—Yobu 14:14, 15.

    Baibolo kayi ikute kwamba eti Mwanendi Lesa, Yesu, walasengula balwashi. Walenshila cani ico? Wali kuyanda kunyamfwa bantu. (Maliko 1:40, 41) Eti Baishi, Yesu wali kuyanda kunyamfwa bantu bapenga.—Yohane 14:9.

    Ici cela kutupa kushoma eti Yehova ne Yesu basuni kutunyamfwa kwamba eti tukacane buyumi bwaina kuntangu!—Masalimo 72:12-14; 145:16; 2 Petulo 3:9.

 MWIPUSHO ULAYANDIKINGA KUYEYAPO

Inga Lesa nakense aconi kwamba eti buyumi bukabe bwaina?

Baibolo ikute kukumbula mwipusho uyu pa MATEYU 6:9, 10 ne pa DANIELI 2:44.