Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Bayisheni Bana Benu

 CIIYO 10

Yesu Wali Kunyumfwila Cindi Conse

Yesu Wali Kunyumfwila Cindi Conse

Sena capuba kunyumfwila bashali bakobe cindi conse?— Nacimo cindi cashupa. Sena ucinshi eti Yesu wali kumunyumfwila Yehova nebashali bakendi?— Ncalensa inga cikunyamfwa nenjobe kwamba eti konyumfwila bashali bakobe nacikaba eti nkacapuba. Leka twiye binji pamakani aya.

Yesu katana esa pano pacishi capanshi, wali kuba ne Baishi, Yehova, kwilu. Yesu kayi wali kukute bashali pano pacishi capanshi. Mena abo bali kuba ba Yosefe ne Maliya. Sena ucinshi mobalabela bashali bakendi?—

Yehova walamanta buyumi bwa Yesu bwakwilu nekububika mulibunda lya Maliya kwamba eti Yesu asemwe nekwikala pano pacishi capanshi. Ici cali kuba cikatasho! Yesu walatatika kukula mulibunda lya Maliya eti ncebakute kukula bana bonse kabacili mulibunda lya bamanyabo. Mpokwalapita myenshi ili 9, Yesu walasemwa. Umu endimo mocabela kwamba eti Maliya ne Yosefe, mwibendi, babe bashali ba Yesu pano pacishi capanshi.

Yesu mpwalaba nebyaka byakusenwa bili 12, walensa cintu nacimo calalesha kwamba eti ubasuni Baishi bakwilu, Yehova. Ici calenshika cindi Yesu pamo ne banja yakendi mpobalenda musuma utali kuya ku Yelusalemu kwamba eti bakasekelele Pasika. Mpobali kubwela kuya kung’anda, Yosefe ne Maliya walabataika Yesu. Sena ukwinshi nkwali kuba?—

Nimulandu cini Yesu wali kuba kung’anda ya Lesa?

Yosefe ne Maliya balabwelela bwangu-bwangu kuya ku Yelusalemu kwakulangaula Yesu. Balayakamwa pakwinga baliyawa kumucana. Koma mpokwalapita masuba atatu, balamucana kali mu ng’anda ya Lesa! Sena ucinshi Yesu ncali kubela mu ng’anda ya Lesa?—Yesu wali kwiya sha Baishi, Yehova. Wali kumusuna Yehova kayi wali kuyanda kwiya ncela kumunyumfwila. Mpwalakula nekuba mukulene, Yesu walapitilisha kunyumfwila Yehova. Yesu wali kunyumfwila nemucindi mocali kuba cashupa kwamba eti anyumfwile kayi ici calapa eti apenge. Sena Yesu wali kubanyumfwila bashali bakendi ba Yosefe ne Maliya?— Ee, Baibolo ikute kutwambila eti wali kubanyumfwila.

Inga nicani ncowela kwiya kuli Yesu?— Wela kubanyumfwila bashali bakobe nacikaba eti cayuma. Sena nubanyumfwilenga?—

BELENGANI MU BAIBOLO YENU

  • Luka 1:30-35; 2:45-52

  • Aefeso 6:1

  • Aheberi 5:8