Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Bayisheni Bana Benu

 CIIYO 1

Makani Asolekwa Ngotukute Colwe Kwainshiba

Makani Asolekwa Ngotukute Colwe Kwainshiba

Sena kuli muntu walakwambilako kendi makani ngwalabula kwambilapo muntu umbi?— * Baibolo ikute kwamba shamakani “asolekwa apalubasu.” Akute kwambwa eti apalubasu pakwinga afumina kuli Lesa. Kayi akute kwambwa eti asolekwa pamulandu wakwamba eti bantu nkabali kwainshiba. Naboyo bangelo balikuyanda kwainshiba makani aya. Sena inga uyanda kwainshiba makani aya asolekwa?—

Inga bangelo balikuyanda kwinshiba cani?

Keendi maningi, Lesa walalenga mutuloba nemutukashi wakutanguna. Mena abo alikuba Adamu ne Eva. Lesa walabapa musenya waina ukute kukwiwa eti libala lya Edeni. Bene Adamu ne Eva nebalanyumfwila Lesa, nebalasandula cishi conse kuba paladaiso pamo nebana babo eti libala lya Edeni. Kayi nebalapitilisha kuba nebuyumi butapu. Sena ucinshi ncobalensa bene Adamu ne Eva?—

Adamu ne Eva baliyawa kunyumfwila Lesa, emulandu wakendi nkatukute kwikala mupaladaiso masubano. Nacikaba ico, Lesa walaamba eti nakapange cishi conse kuba musenya waina, kayi bonse nibakakondwe nekuba nebuyumi butapu. Inga nakense aconi kwamba eti ici cikenshike? Kwacindi citali bantu nkabali kwinshiba. Makani aya ali kuba asolekwa.

Yesu mpwalesa pacishi capanshi, walabayisha bintu binji pamakani asolekwa aya. Walaamba eti makani aya ali kwamba sha Bwami bwa Lesa. Yesu walaambila bantu kwamba eti kabapempelela Bwami ubu kwamba eti bwise. Bwami ubu nibukasandule cishi conse kuba musenya waina.

Inga ulanyumfu aconi kwinshiba makani aya asolekwa?— Nkotaluba eti bantu beti bakekale mu Paladaiso nibasa owa bakute kumunyumfwila Yehova. Baibolo ikute kutwambila makani manji alaambanga sha bantu bali kunyumfwila Yehova. Sena inga uyanda kubenshiba?— Nitubone makani alaambanga sha bantu nabamo kayi nitubone ncetwela kwinsa kwamba eti tube eti endibo.

BELENGANI MU BAIBOLO YENU

  • Maliko 4:11

  • 1 Petulo 1:12

  • Genesis 1:26-28; 2:8, 9; 3:6, 23;

  • Mateyu 6:9, 10

  • Masalimo 37:11, 29

^ par. 3 Mumakani onse ali mubuloshuwa ino, nimubonenga kamulaini kali eti aka (—) kwapwilinga mipusho naimo. Kamulaini aka kaleshenga eti mwela kwimana kubelenga kwamba eti mwana akumbule.