Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Bayisheni Bana Benu

 CIIYO 14

Bwami Bweti Bukalele Cishi Conse Capanshi

Bwami Bweti Bukalele Cishi Conse Capanshi

Lotela, ni Bwami cini mbotulaambangaponga?— Ee, ni Bwami bwa Lesa, Bwami bweti bukalete kayi paladaiso pacishi conse capanshi. Sena inga uyanda kwinshiba makani manji alaambanga sha Bwami ubu?—

Bwami buli bonse bukute mwami. Mwami endiye ukute kulela bantu necishi. Sena umwinshi Mwami wa Bwami bwa Lesa?— Ni Yesu Kilisitu. Ukute kwikala kwilu. Lino-lino, nakabe Mwami wabantu bonse bali pacishi capanshi! Sena ulayeyenga eti nikukabe kukondwa Yesu akaba Mwami wacishi conse capanshi?—

Inga nicani ncemulalangilinga mu Paladaiso?

Nitukabe bantu bakondwa! Mu Paladaiso bantu nteti bakalwanenga na kuya kunkondo. Bantu bonse nibakabe pacibusa. Kuliya eti akakolwe na kufwa. Bashipilwa nibakabone, bacibulu nibakatatike kwamba, abo batacikonsho kwenda nibakacikonshe kufwamba nekuculoka. Bantu bonse nibakabe necakulya cinji. Binyama nibikabe pacibusa. Bantu balafwa nibakapundushiwe. Bantu banji mboleyi mubuloshuwa ino nibakapundushiwe naboyo, bantu eti Rabeka, Rahabi, Eliya, ne Devidi nibakapundushiwe!  Sena usuni kwamba eti mukabonane bakapundushiwa?—

Yehova ukusuni kayi usuni kwamba eti koli wakondwa. Ito ulapitilishi kwiya sha Yehova nekumunyumfwila, nukabe nebuyumi butapu kayi nukekale mupaladaiso kwamuyayaya! Sena ici endico ncosuni?—

BELENGANI MU BAIBOLO YENU

  • Yesaya 2:4; 11:6-9; 25:8; 33:24; 35:5, 6

  • Yohane 5:28, 29; 17:3