Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  September 2016

 BUYUMI BWETU BWACIKILISITU

Kukulisha Impapa Shetu Mumulimo—Kulimbikisha Bantu Bakute Luyandishisho Lwakwiya Kushika Kumibungano

Kukulisha Impapa Shetu Mumulimo—Kulimbikisha Bantu Bakute Luyandishisho Lwakwiya Kushika Kumibungano

NCEKULANDIKILINGA: Mibungano ikute kutupa colwe “cakwimbila Yehova” kayi “nekumulumbaisha.” (Sal. 149:1) Kumibungano tukute kuyishiwa mwakwinshila mbyakute kuyanda Lesa. (Sal. 143:10) Bantu basuni kwiya Baibolo kayi ne beshikwiya Baibolo bakute kwinsa cena batatikowa kucanika kumibungano.

MOTWELA KWINSHILA:

  • Mwakutataya cindi bakuwileni kumibungano. Nkamulandikinga kupembela kushikila mwakatatika ciyo ca Baibolo.—Chiv. 22:17

  • Mupandulwileni muntu wepele uyo bikute kwinshika kayi nebyeshi bikabandikwe kumibungano ilesanga. Ibi bilipanshi apa ingabinyamfwa: kapepala kakukuwila kumibungano, vidyo ya Nicani Cikute Kwinshika ku Ng’anda ya Bwami?, kayi neciyo 5 ne 7 mubuloshuwa ya Luyando lwa Yehova

  • Banyamfweni. Sena muntu uyo landikinga lunyamfo lwamwakwendela olo lunyamfo lwakusala byakufwala byelela? Ikalani pamo pamibungano, nekubonena pamo byakumwaya. Mwinshibisheni kuli bambi