Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  September 2016

 BUYUMI BWETU BWACIKILISITU

Leyani Bintu Byamushobo Uyu Pakwendelesha Ciyo ca Baibolo

Leyani Bintu Byamushobo Uyu Pakwendelesha Ciyo ca Baibolo
KUCINJA NCALABONEKENGA
Text
Image

Kwamba Maningi: Mutayeyangeti mulandikinga kupandulula byonse. Yesu walasebensesha mipusho kwambeti anyamfwe bantu kuliyeyela bonka nekucana mukumbulo welela. (Mat. 17:24-27) Mipusho ikute kupangisha ciyo kuba caininisha kayi nekumunyamfwa kubona mpwakuma shikwiya wenu. (be-CN 253 mapal. 3-4) Mwepusha mwipusho, mulandikinga kwikalika moyo nekupembela mukumbulo. Naa shikwiya wenu lakumbulu mukumbulo wabula kwelela, mucindi cakumwambila mukumbulo welela, mulandikinga kumunyamfwa kucana mukumbulo welela mwakumwipusha mipusho. (be-CN 238 mapal. 1-2) Mwambenga munshila yelakunyamfwa shikwiya kwambeti anyumfwishishe mbyomulambanga.—be-CN 230 pal. 4.

Kwipanga Yashupa Maningi: Nkamulandikinga kwamba byonse mbyomwinshi pankaniyo. (Yoh 16:12) Ambani owa pabikomo binene bili mupalagilafu. (be-CN 226 mapal. 4-5) Bikomo nabimo olo byaina ingabilubyanya inkani. (be-CN 235 pal. 3) Bikomo binene-binene byanyumfwika kuli shikwiya Baibolo wenu, yani mupalagilafu naimbi.

Nteko Kubelengowa Byalembwa: Cilandikinga nikushika pamoyo washikwiya, nteko kubelengowa byalembwa. (Luka 24:32) Sebenseshani ngofu sha Maswi a Lesa mwakubikila mano pamalemba ekatana maningi neciyo. (2 Akor. 10:4; Aheb. 4:12; be-CN.  144 mapal. 1-3) Sebenseshani byakubonenako bitashupu kunyumfwa. (be-CN 245 mapal. 2-4) Mulandikinga kumwinshiba cena shikwiya Baibolo wenu nembyashomamo, muyisheni kwelana nencabele. Ipushani mipusho mbuli iyi: “Inga mwanyufunga aconi pabintu mbyomuleyinga pano?” “Inga bilatuyishinga cani pali Yehova?” “Inga nipindu cini njomulacana pakusebensesha kufunda uku?”—be-CN 238 mapal. 3-5; 259 pal. 1