Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  October 2016

 BUYUMI BWETU BWACIKILISITU

Sena Mulatusebenseshenga Cena Tumakadi twa JW.ORG?

Sena Mulatusebenseshenga Cena Tumakadi twa JW.ORG?

Mpotulasenenenga pepi nemapensho anene, incito yetu yakulalikila ilandikinga maningi. (Miy. 24:11, 12, 20) Kwambeti tubanyamfwe bantu, ingatusebensesha tumakadi kubalesha Maswi a Lesa kayi ne webusaiti yetu. Kakadi aka kakute nekoodi ishikuleesha vidyo ilambangeti Nimulandu Wacani Mulandikinga Kwiya Baibolo? kayi nepakulemba kusenga inkani nashimo olo ciyo ca Baibolo. Bantu nabamo nkabasumini byakumwaya koma ingabayanda kubonako pa website yetu. Nkamutacelwanga kubapa kakadi. Nacikabeco, nkamulandikinga kushiya tumakadi pamaanda abula bantu olo kubantu babula luyandishisho.

Mwensanga bintu pamo byabusuba nebusuba, ingamuyambisha mubandi kupitila mukwambeti: “Nkute kantu nakamo nkondandanga kumupa. Kakadi aka nikamuleshe website ikute inkani kayi nemavidyo ashiyana-shiyana kwakubula kulipila.” (Yoh. 4:7) Mulandu wakwambeti tumakadi nitung’ana-tung’ana, ingakamunyamunako natumo kwambeti muyabileko bantu cacanika colwe.