Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  November 2016

 BUYUMI BWETU BWACIKILISITU

Motwela Kusebenseshela Libuku lya Zimene Baibulo Ingatipunzitse

Motwela Kusebenseshela Libuku lya Zimene Baibulo Ingatipunzitse

Mabuku a Zimene Baibulo Ingatipunzitse ne Zimene Baibo Imapunzitsa akoshana. Byakusebensesha kuyisha byonse bibili ibi bikute cancine-ncine cimo kayi bili mumundandanda wakoshana. Nacikabeco, libuku lya Zimene Baibulo Ingatipunzitse likute kusebensesha maswi apuba kunyumfwa kayi munshila ikute kufwambana kunyumfwika. Yapangilwa bantu bakute kushupika kunyumfwishisha libuku lya Zimene Baibo Imapunzitsa. Mucindi cakuba nenkani shakumapwililisho alibuku, (appendix) libuku lya Zimene Baibulo Ingatipunzitse likute maswi mang’ana akumapwililisho (endnotes) akute kupandulula mabala naamo nemiyeyo ili mumacapitala munshila itashupu kunyumfwa. Macapitala aliyawa mipusho yakutatikila olo kabokosi kakubwelulukamo. Koma, kumapwililisho kwacapita ili yonse kuli byancine-ncine byamu Baibolo byambwa mukufumfwipisha kupandulula maswi ali mucapitala. Mbuli libuku lya Zimene Baibo Imapunzitsa, libuku lya Zimene Baibulo Ingatipunzitse ingaliyabilwa pacindi ciliconse, nacikabeti ntelyo lili pabyakuyabila byamwenshi uyo. Ingatusebensesha aconi libuku ili lyalibela lya Zimene Baibulo Ingatipunzitse paciyo ca Baibolo?

MUKUFUMFWIPISHA: Bantu banji, nshila yetu yakwinshilamo ciyo ca Baibolo kupitila mukubelenga palagilafu mulibuku lya Zimene Baibo Imapunzitsa nekwipusha mwipusho bakute kwibona owa cena. Inga ito shikwiya nkacinshi cena cishobo olo kubelenga. Ito kacili ico, ingamusala kusebensesha libuku lya Zimene Baibulo Ingatipunzitse. Lino, inkani yamubufupi ili kumapwililisho acapitala ingesebenseshewa pakwiya kayi ingamumulimbikisha shikwiya kulibelengela enka inkani yonse. Cancine-ncine ciliconse camu Baibolo ingaciyishiwa kwabutali bwa mamineti ali 15. Mulandu inkani shamubufupi shakumapwililisho acapitala nkashikute kupandulula byonse bili mucapitala, mufundishi landikinga kulibambila cena maningi, kubikila mano kubilandikinga bya shikwiya wakendi. Ito mufundishi lasebenseshenga capitala pakwiya, inkani yamubufupi ili kumapwililisho ingawisebensesha kubwelulukamo.

MASWI AKUMAPWILILISHO KWALIBUKU: Maswi nemiyeyo ili kumapwililisho bili mumundandanda mbuli ncebibele nemumacapitala. Mufundishi ingosala kubandika maswi akumapwililisho alibuku lya Baibulo Ingatipunzitse pakwiya.