Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  May 2016

 BUYUMI BWETU BWACIKILISITU

Sena Mukute Kwisebensesha JW Library?

Sena Mukute Kwisebensesha JW Library?

JW Library nipulogilamu yakubula kuula (software application) njomwela kwinshilapo daunilodi Baibolo nemabuku ambi, mavidyo, kayi nebyamaswi pafoni, tabuleti olo kompyuta.

MOMWELA KEBELA NAYO: Yani pa intaneti, nekwinsa dounilodi JW Library kusebensesha ka app store kali pafoni. App iyi ingaisebensa mumafoni olo matabuleti apusana-pusana. Pa inteneti, calulani app kayi nekusala mbyomulandanga kwinsa daunilodi pafoni yenu. Ito na muliyawa inteneti pa ng’anda yenu, ingamwelesha kwinshila Kung’anda ya Bwami, ku library yabantu bonse, olo kumisenya kukute kucanika intaneti. Mwensa daunilodi byakumwaya pafoni yenu, nkamulandikinga kuya kayi pa intaneti kwambeti mubibone. Pakwinga cindi conse JW Library ikute kubambululwa, mulandikinga kuya pa intaneti cindi necindi kwambeti nayo ili pafoni yenu ibambululwe.

NCOMULANDIKILINGA KUBELA NAYO: JW Library ikute kunyamfwa twensanga ciyo cetu kayi netwabungananga mulibungano. Kayi ikute kunyamfwa mumulimo wamulibala makamaka pakupa bukamboni bwakubula kulibambila.