Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  May 2016

 BUYUMI BWETU BWACIKILISITU

Mwakwisebenseshela JW Library

Mwakwisebenseshela JW Library

PAKWIYA:

  • Belengani Baibolo nelilemba lyabusuba

  • Belengani Buku Lapacaka, mamagazini, kayi nebyakumwaya nabimo. Sebenseshani kabatani ka bookmark

  • Libambileni mibungano yalibungano, kayi nekuconga mikumbulo

  • Ebelani mavidyo

KUMUBUNGANO:

  • Bonani malemba ngalambangaponga shikwamba nkani. Sebenseshani ka history kwambeti mufwambane kucalula lilemba ndyomulacalulupo keendi

  • Mucindi cakunyamuna mabuku manji pakuya kumubungano, mantani owa katabuleti kenu kakute mabuku onse mukati. JW Library ikute inyimbo shanyowani nshobatana babika mumabuku

MUMULIMO:

  • Mulesheni mwine ng’anda cintu nacimo mu JW Library, nekumunyamfwa kwinsa daunilodi JW Library mufoni olo tabuleti yakendi nekubika mabuku mulaibulali iyi

  • Sebenseshani kabatani kakulangwela bintu (search feature) kwambeti mucane vesi yamu Baibolo. Ito lilembo ndyomulalembe nkalilabonekenga mu Baibolo ya New World Translation yabambululwa, yani mu Reference Bible nekutatika kayi kuyandaula

  • Boneshani vidyo. Ito mwine ng’anda ukute bana, ingamusebensesha imo yamavidyo a Khalani Bwenzi la Yehova. Olo ingamusebensesha vidyo ilambangeti Nimulandu Wacani Mulandikinga Kwiya Baibolo? kwambeti mumunyamfwe muntu kuba neluyando lwakwiya Baibolo. Ito muntu ukute kwamba cishobo cimbi, ingamumulesha vidyo mucishobo cakendi

  • Leshani muntu lilemba mucishobo cimbi kufumina mu Baibolo iliyonse njomwalensa dounilodi. Yani palilemba, tyankani pavesi, cepele mutyanke pakabatani kama Baibolo ambi