Talukilani kuya kubintu bili mukati

Talukilani kuya kumitwi yankani

Bakamboni ba Yehova

Salani cishobo Cisoli

 BUYUMI BWETU BWACIKILISITU

Mwakusebenseshela Buloshuwa ya Nyumfwilani Lesa

Mwakusebenseshela Buloshuwa ya Nyumfwilani Lesa

Buloshuwa ya Nyumfwilani Lesa yalapangwa kwambeti iyishenga inkani shakuyambilila mucancine-ncine kuli bantu bakute kushupikwa kubelenga pakwiya. Ciyo cili conse cikute mapikica alaboneshenga mwakonkanina kwambeti anyamfwe shikwiya kubona pikica yakonkapo.

Buloshuwa ya Nyumfwilani Lesa Kwambeti Mukabe Nebuyumi Butapu ikute mapikica akoshana ne amubuloshuwa ya Nyumfwilani Lesa, koma nayo ikute maswi manji kayi ingesebenseshewa nebeshikwiya bakute kucikonsha kubelenga. Beshikumwaya bakute kwisebensesha kaili kopi yamufundishi, shikwiya asebenseshaga buloshuwa ya Nyumfwilani Lesa. Mapeji manji akute kabokosi kakute inkani nashimo shela kubandikwa, kwelana nemwabelele shikwiya.

Ingamupa buloshuwa iliyonse pamabuloshuwa aya cindi ciliconse, neciba cindi cakwambeti nteyo yakumwaya yamwenshi uyo. Pakwinshisha ciyo ca Baibolo, sebenseshani mapikica aya pakupandulula inkani yamu Baibolo. Ipushani mipusho kwambeti mubone ncalayeyenga nekubona ito naa lanyumfwishishinga. Belengani nekubandika malemba ali panshi papeji iliyonse. Mwapwisha buloshuwa yonse, ingamutatika kwiya mulibuku lya Zimene Baibo Imaphunzitsa M’ceni-ceni olo Kodi Baibulo Ingatipunzitse Ciani? kwambeti munyamfwe shikwiya wenu kushika pantamu yakubatishiwa.