Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  March 2016

 BUYUMI BWETU BWACIKILISITU

Mukabatambule Bensu

Mukabatambule Bensu

Pa March 23, bensu bashika ku 12 milyoni olo bapitapo balalangilwanga kushika ku Canusho. Nibakaiye bintu binji shikwamba nkani akambanga shacipo cacilubulo ncalatupa Yehova kayi nemapindu ngoti bakacane bantu kuntangu mulandu wacilubulo. (Yes. 11:6-9; 35:5, 6; 65:21-23; Yoh. 3:16) Nacikabeco, nteye shikwamba nkani enka eshi akape bukamboni pacakwinshika cisuniki maningi ici. Twense ingatubako nelubasu kupitila mukutambula bensu nemakasa abili. (Aroma 15:7) Bonani ncemwela kwinsa.

  • Micindi cakwikala kamupembela kwambeti mapulogilamu atatike, mulandikinga kubatambula nemakasa abili bensu kayi nebasa bakute kubula kubungana-bungana

  • Nacikabeti mulandikinga kubashako mano bantu basa mbomwakuwa mobene, nkamulandikinga kubalubako basa bantu bakwiwa nebeshikumwaya bambi mpobali kuyabila tupepa twakukuwa bantu. Basengeni bensu aba ito ingamwikala nabo. Sebenseshani pamo Baibolo yenu nelibuku lyanyimbo

  • Panyuma pankani, canani cindi cakukumbula mipusho njobakute. Ito cindi nicing’ana mulandu wakwambeti mubungano wenu ulandikinga kufuma bwangu nekushiila musenya mubungano naumbi, ingamupanga bubambo bwakwambeti mukamwendele muntu wepele uyo. Na nkamucinshi momwela kumucanina, ingamwambeti: “Inganjanda kwinshiba ncomwayeyenga papulogilamu iyi njotwakutenga. Sena kuli nshila ili yonse motwela kubonana kayi kwambeti tukabandike binji?”