Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  March 2016

 BUYUMI BWETU BWACIKILISITU

Kupundushiwa Kufuma Kubafu—Kweshi Kukabeko Mulandu Wacilubulo

Kupundushiwa Kufuma Kubafu—Kweshi Kukabeko Mulandu Wacilubulo

Canusho cikute kutupa colwe cakuyeyaulapo pabintu byaina bili kuntangu byeshi bikabeko mulandu wacilubulo, mbuli kupunduka kufuma kubafu. Yehova nkali kuyandeti bantu bafwenganga. Emulandu wakendi cintu cikute kubaba maningi ni kutaikilwa muntu mulufu. (1 Akor. 15:26) Yesu calamubaba mpwalabona beshikwiya pakendi kabalila mpobataikilwa Lazaro mulufu. (Joh. 11:33-35) Pakwinga Yesu wakosha Baishi, ingatushometi Yehova nendi cikute kumubaba kutubona katulila twataikilwa bantu mulufu. (Yoh. 14:7) Yehova mwaluyandishisho lapebelenga mpweshi akapundushe basebenshi bakendi kufuma kubafu, kayi nenjafwe tulandikinga kwinsa cimo-cimo.—Yobu 14:14, 15.

Pakwinga Yehova ni Lesa wabubambo, ingaciba cena kushometi kupundusha bantu bafwa nikukensike munshila yabubambo bwaina. (1 Akor. 14:33, 40) Mucindi camalila, nicikabe cindi cakutambula beshi kupunduka kufuma kubafu. Sena mukute kuyeyaulapo pakupundushiwa, maka-maka pacindi cakulila? (2 Akor. 4:17, 18) Sena mukute kulumba Yehova pakutupa cilubulo kayi nekutwinshibisha kupitila mumalemba kwambeti bafu nibakekale nebuyumi kayi?—Akol. 3:15.

  • Inga nibanenu nebakwenu bapeyo mbomulandishishinga kubona kayi?

  • Inga nibantu bamushobo cini bamu Baibolo mbomulandishishinga kubona kayi nekwamba nabo?