Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  January 2017

 BUYUMI BWETU BWACIKILISITU

Mwanukenga Kupempelela Bakilisitu Bali Mumapensho

Mwanukenga Kupempelela Bakilisitu Bali Mumapensho

Baibolo yalambilalimo eti Satana nakatupenshe kwambeti atubweshe munyuma mumulimo wetu. (Yoh. 15:20; Chiv. 12:17) Ingatunyamfwa aconi Bakilisitu banetu balapenshewanga mubishi bimbi? Ingatubapempelelako. “Pempelo yakusenga yamuntu walulama ikute ngofu maningi.”—Yak. 5:16.

Ingatwamba cani mupempelo? Ingatusenga Yehova eti abayumishe myoyo bakwetu kayi nekubanyamfwa kubula kuba nebuyowa. (Yes. 41:10-13) Kayi ingatupempelela bantu bali mubulamunino kwambeti babule kukanisha incito yakulalikila, kayi ‘nekwambeti tube nebuyumi bwalumuno.’—1 Tim. 2:1, 2.

Paulo ne Petulo mpobalakumana nemapensho, Bakilisitu balikubashimbula mena mumapempelo abo. (Mach. 12:5; Arom. 15:30, 31) Nacikabeti nkatwainshi mena abantu bonse balapenshewanga masubano, ingatushimbula mena amibungano yabo, cishi, olo lubasu lwankobakute kwikala.

Ndandanga kupempelelako Bakilisitu bali mubishi ibi: