Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  January 2016

 BUYUMI BWETU BWACIKILISITU

Colwe Cetu Cakwibaka Nekusunga Cena Misenya Yetu Yakupailila

Colwe Cetu Cakwibaka Nekusunga Cena Misenya Yetu Yakupailila

Kwibaka tempele yaku Isilayeli kwali kuyandika kusebensa cangofu kayi nekupa lubono. Nacikabeco, Baisilayeli balaliyaba nekunyamfwilisha incito iyi. (1 Mbiri 29:2-9; 2 Mbiri 6:7, 8) Mpoyalapwa tempele kwibakiwa, kwisunga tempele nkobalensa Baisilayeli kwalabonesha ito na balikushako mano kubintu byakumushimu olo sobwe. (2 Maf. 22:3-6; 2 Mbiri 28:24; 29:3) Masubano, Bakilisitu bakute kuliyaba mukwibaka, kuswepesha, kayi nekusunga cena Maanda a Bwami kayi ne Misenya Yakubunganinamo Mibungano Inene-inene. Nacikabeco, kusebensela pamo ne Yehova munshila iyi nicolwe cinene kayi nilubasu lwamulimo waswepa.—Sal. 127:1; Chiv. 7:15

INGATUMANTAMO LUBASU KUPITILA MU . . .

  • Kuswepesha pakubungana kulikonse. Ito na ntamucikonsho, bweselelani tuntu-tuntu tuli pepi nempomwekala.

  • Kumantamo lubasu mukuswepesha kayi nekusunga cena pa Ng’anda ya Bwami. Kusebensela pamo kwinga kuleta kukondwa kayi incito ingakupuba.—lv-CIN 92-93 ¶18.

  • Kunyamfwilisha kupitila mukupa mali akusebensesha. Natukaba ‘tumakobili tubili twabula ngufu’ ntomwela kupa kufumina panshi pamoyo ingakumukondelesha Yehova.—Maliko 12:41-44.

  • Kuliyaba kwambeti munyamfwilishe kwibaka olo kwibakulula misenya yakwinshilamo bintu byakumushimu ito kamucikonsha. Kuba nelwinshibo lwakwibaka nteko kulayandikinga kwambeti mumantemo lubasu.