Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  January 2016

 BUYUMI BWETU BWACIKILISITU

Kukulisha Impapa Shetu Mumulimo—Kupanga Bubambo Bwalwendo Lwakubwelelako

Kukulisha Impapa Shetu Mumulimo—Kupanga Bubambo Bwalwendo Lwakubwelelako

NCEKULANDIKILINGA:

Tulandanga kutekelela imbuto shancine-ncine nshotukute kushanga. (1 Akor. 3:6) Ito na tulacana muntu labonesheti landanga kwiya, tulandikinga kushiya mwipusho wakubandika pacindi cakubwelelako. Ici ingacipangisheti apembelelenga mwakuyandishisha kayi nekupangisha kwambeti tutakashupika kulibambila pakubwelelako. Twabwelelako, ingatumwambila eti tulesa kukumbula mwipusho ngotwalepusha mpotwalamwendela.

MOTWELA KWINSHILA:

  • Pakulibambila mulimo wetu wakung’anda neng’anda, ingatulibambila mwipusho weshi ukakumbulwe pakubwelelako. Mukumbulo ingaucanika mucakumwaya ncotulamushili. Olo ingauba mwipusho ukute kukumbulwa mucakumwaya cimbi ncotulandanga kumutwalila pakubwelelako.

  • Kumapwililisho kwamubandi nemuntu landanga kwiya, mubonesheni kwambeti musuni kubandika nendi kayi cindi cimbi, nekumubonesha mwipusho ngomwalibambila ngweshi mukabandike mwakabwelelako. Ito kacikonsheka, ingamumanta foni namba yakendi.

  • Mwamwambila busuba necindi nceshi mukayeko, mwelela kushikilisha maswi enu.—Mat. 5:37.