Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  February 2017

 LUBONO KUFUMA MU MASWI A LESA | YESAYA 58-62

“Inshibishani sha Caka Cakwina Moyo kwa Yehova”

“Inshibishani sha Caka Cakwina Moyo kwa Yehova”

“Caka Cakwina Moyo kwa Yehova” nteco caka cine-cine

61:1, 2

  • Nipacindi Yehova mpwakute kupa bantu balulama colwe cakutambula cinshibisho cakulubulwa

  • Pacindi Yesu mpwalikuba pacishi capanshi, caka cakwina moyo calatatika Yesu mpwalatatika mulimo wakendi mu 29 C.E. mpaka kushika “pabusuba bwakubweshela” kwa Yehova pacindi Yerusalemu mpoyalonongeka mu 70 C.E.

  • Masubano, caka cakwina moyo calatatika Yesu mpwalabikwa pacipuna cabwami kwilu mu 1914 mpaka kushika cindi camapensho anene

Yehova ukute kuleleka bantu bakendi ne “bitondo binene-binene byalulama”

61:3, 4

  • Bitondo bitali maningi mucishi lingi bikute kukulila pamo mucisuwa, lino bitondo ibi bikute kutabatishana

  • Miyanda inene ikute kupilinkana kupangisha bitondo kushimpa kayi nekubula kuwa kwesa cilukupwe

  • Bitondo bitali bikute kupa cimfwile caina kututondo tung’ana-tung’ana, kayi matewu akute kuwa kufuma kubitondo akute kusha manyuwa kubulongo

Bakwetu bamulibungano ya Cikilisitu kushunguluka cishi conse bakute kucana pindu kufuma mukutabiliwa ne “bitondo binene-binene byalulama,” bya Bakilisitu bananikwa