Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  August 2016

 BUYUMI BWETU BWACIKILISITU

Yishani Cancine-ncine

Yishani Cancine-ncine

Kutatikila mu September, Kabuku Kamubungano Wabuyumi Nemulimo nikabenganga nemutwi wanyowani wabyakwamba pakuyabila ulambangeti “Yishani cancine-ncine.” Luyando lwetu nikuyisha bantu cancine-ncine camu Baibolo, kusebensesha mwipusho nelilemba.

Ito tulabono eti muntu layandishishi kwiya, ingatumupa cakumwaya olo kumulesha vidyo yapa jw.org nekupanga bubambo kubwelelako. Tulandikinga kubwelelako bwangu nekubandika mubandi ngotwalashiya. Nshila yanyowani nenkani shabamusukulu nishicanikenga mulibuku lya Zimene Baibo Imaphunzitsa M’cheni-ceni. Mulibuku ili ingatucana mipusho nemalemba ela kutunyamfwa kwambeti tupangenga bubambo bwakubwelelako olo kuyisha kusebensesha Baibolo yonka.

Kuli owa nshila imo ikute kututwala kubuyumi. (Mat. 7:13, 14) Mulandu wakwambeti tukute kubandika nebantu bamubikombelo byashiyana-shiyana, tulandikinga kubambila cacine-ncine camu Baibolo cela kubashika pamoyo. (1 Tim. 2:4) Twenshiba cena Baibolo nekukulisha impapa shetu ‘mukwambila cena-cena bantu maswi acancine-ncine,’ ingatuba bakondwa maningi, kayi nekucikonsha kuyisha cancine-ncine kubantu.—2 Tim. 2:15.