Talukilani kuya kubintu bili mukati

Talukilani kuya kubintu bing'ana byakusala

Talukilani kuya kumitwi yankani

Bakamboni ba Yehova

Cisoli

Kabuku Kamibungano Yabuyumi Nemulimo Wetu Wacikilisitu  |  April 2016

 LUBASU LWAMUMULIMO WAMULIBALA

Kampeeni Yakukuwa Bantu Kumubungano Unene

Kampeeni Yakukuwa Bantu Kumubungano Unene

Caka ciliconse, tukute kuba nelusuno lwakupembelela kuya kulya cakulya cakumushimu kumubungano unene. Kwambeti nabamo bakabone kwina kwa Yehova, nitukakuwe banji kwambeti tukabungane pamo. (Sal. 34:8) Likoto lililyonse lyabamakulene nilikabone nshila yaina njobela kusebenselamo pakuyabila tupepala utu mulibungano lyabo.

MBYOMULANDIKINGA KUSHAKO MANO

  • Inga nililyoni mposhukabeko mubungano nkondandikinga kucanika?

  • Inga kampeeni yakupa tumapepala nikatatike lilyoni?

  • Inga nimasuba cini ngotukute kwinsa mubungano wakulibambila mulimo wamulibala?

  • Inga ndandanga kusebensa kushikila papeyo mukampeeni iyi?

  • Inga ndayeyelenga kukuwa bani?

MOMWELA KWAKWAMBILA

Mwapwisha kubabusha, ingamwambeti:

“Cishi conse tulapanga tumapepala twakukuwilako bantu kucishikwinshika cisuniki maningi. Deti, cindi, kayi nekweshi cikeshikile byalembewa pakapepala kopele aka. Nitukakondwe kuba nenjamwe.”

INGAMUKULISHA ACONI LUSUNO?

Nacikabeti tulandanga kukuwa bantu banji kwambeti bakese kumubungano unene, tulandikinga kukulisha lusuno lwalaleshewa.

Pakupwa kwansondo, ingamuyabila mamagazini pamo nekapepala kakukwila bantu.