Talukilani kuya kubintu bili mukati

Talukilani kuya kubintu bing'ana byakusala

Bakamboni ba Yehova

Cisoli

Nimulandu Cini Nkamukute Kusekelela Kilisimasi?

Nimulandu Cini Nkamukute Kusekelela Kilisimasi?

Bantu banji mbyobakute kuyeya

Bubepeshi: Bakamboni ba Yehova nkabakute kusekelela Kilisimasi mulandu wakwamba eti nkabakute kushoma muli Yesu.

Cancine-ncine: Tobakilisitu. Tukute kushoma eti bantu nibakapulushiwe kupitila owa muli Yesu.—Machitidwe 4:12.

Bubepeshi: Mulandu wakuyisha bantu eti nkabatasekelelanga Kilisimasi, mukute kupansanya mabanja.

Cancine-ncine: Tukute kwashako mano maningi mabanja, kayi tukute kusebensesha Baibolo kwamba eti twanyafwe kuba ne bwikalo bwaina.

Bubepeshi: Mukute kupitiwa binji cindi ca Kilisimasi, buyabi, lumuno mucishi, kayi nekwinshilana bintu byaina.

Cancine-ncine: Afwe tukute kwelekesha kuba bayabi kayi nekuba bantu balumuno busuba nebusuba. (Miyambo 11:25; Aroma 12:18) Mucikoshano, ncetukute kubungana nekushimikila tukute kukonka ncalaamba Yesu eti: “Mwalatambula owa, kamupani owa.” (Mateyu 10:8) Kayi tukute kunyamfwa bantu eti kabalanga ku Bwami bwa Lesa pakwinga endibo bonka bweti bukalete lumuno lwancine-ncine pano pacishi capanshi.—Mateyu 10:7.

Nimulandu cini Bakamboni ba Yehova nkabakute kusekelela Kilisimasi?

  • Yesu walatwambila eti twanukenga lufu lwakendi mucindi cakusekelela busuba mbwalasemwa.—Luka 22:19, 20.

  • Intumwi sha Yesu kayi nebeshikwiya bakendi bakutanguna baliyawa kusekelela Kilisimasi. Libuku nalimo likute kwamba eti: “Kusekelela kusemwa kwa Yesu kwalatatika cakuma 243 C.E.,” mpokwalapita byaka byapita pa 100 kufumina cindi Intumwi sha Yesu mposhalafwa.

  • Yesu liya kusemwa pa December 25; busuba mbwalasemwa Yesu buliya kulembwa mu Baibolo.

  • Tukute kushoma eti Kilisimasi ikute kumucima Lesa mulandu wakwamba eti yalatatikila kumiteto yakunsa.—2 Akorinto 6:17.

Nimulandu cini cilayandikinga kwabandika makani a Kilisimasi?

Bantu banji bacisekelela Kilisimasi nacikaba eti bacinshi eti yalatatikila kumiteto yakunsa, kayi ne Baibolo nkaikute kusuminisha. Bantu aba bakute kwipusha eti: Nimulandu cini Bakilisitu bakute kukana kwinsa cintu cikute kwinshiwa nebantu banji? Nimulandu cini bakute kwashako mano makani aya?

Baibolo ikute kutwambila eti tuliyelenga, kusebensesha “mano” etu. (Aroma 12:1, 2) Ikute kutuyisha kushako mano kucancine-ncine. (Yohane 4:23, 24) Nacikaba eti tukute kushako mano kubintu mbyobakute kwamba bantu nebamo, afwe nitukapitilishe kukonka mbyoikute kwamba Baibolo nacikaba eti inga cipa bantu bambi kucileka kutushako mano.

Nacikaba eti afwe twasala kutasekelela Kilisimasi, tukute kubaleka bantu bambi kwamba eti balisalile ncobalandanga kwinsa. Nkatukute kubakanisha bantu bambi kusekelela Kilisimasi.