Talukilani kuya kubintu bili mukati

Bakamboni ba Yehova

Salani cishobo Cisoli

Sena Mukute Kunyamfwilisha Kwenshika Masoka?

Sena Mukute Kunyamfwilisha Kwenshika Masoka?

Ee, Bakamboni ba Yehova tunkanda twinji bakute kunyamfwilisha kwenshika masoka. Tukute kunyamfwilisha bantu bonse, Bakamboni ba Yehova nebabula kuba Bakamboni ba Yehova kwelana nencoikute kwamba Baibolo pa Agalatiya 6:10 eti: “Tiyeni twinshile bantu bonse bintu byaina, koma maka maka abo mbotwekatana nabo mulushomo.” Kayi tukute kwelekesha kubanyamfwilisha pabintu byonse bikute kuyandika pacindi ico, kumubili kayi nekumushimu.—2 Akorinto 1:3, 4

Likoto

Ito kulenshiki masoka, bamakulene bakumusenya uyo bakute kubalangaula bantu bonse bamumabungano amumusenya uyo kubona ito na kuli bilayandikinga. Bamakulene aba bapwisha kulanga-langa bilayandikinga bakute kwambila baku ofesi yamusampi ya Bakamboni ba Yehova yakumusenya uyo.

Ito mabungano amumusenya uyo nkaela kucikonsha kunyamfwilisha, Likoto Lishikutangunina lya Bakamboni ba Yehova likute kubika bubambo bwakupa lunyamfwo lulayandikinga. Iyi enshila njobali kusebensesha Bakilisitu bakutanguna mpobali kunyamfwilishana cindi cansala. (1 Akorinto 16:1-4) Ofesi yamusampi ikute kusala ma Disaster Relief Committees (Makomiti Ashikunyamfwilisha Ciindi Camasoka) kwamba eti abambe nekwendelesha incito ilayandikinga. Bakamboni bamumisenya imbi bakute kupa mali kayi nekulibenga kwamba eti banyamfwilishe.—Miyambo 17:17.

Mali

Nshila imo mwakute kusebensa mali akute kutumwa kumusampi wa Bakamboni ba Yehova nikunyamfwilisha abo bali mumasoka. (Machitidwe 11:27-30; 2 Akorinto 8:13-15) Pakwinga ncito ikute kusebenswa nebantu bakute kulibenga, mali ngobakute kupa nakusebensesha kunyamfwa abo bali mumasoka, ntewo akupa abo basebensenga. Tukute kushako maningi mano kumali ngobakute kupa bantu.—2 Akorinto 8:20.