Skip to content

Skip to secondary menu

जेहो़वा रेन गो़हाको़

Santhali (Devanagari)

चेत्‌ जाहाँतिस दुक-को़सटो़को़ चाबाक्‌आ?

चेत्‌ जाहाँतिस दुक-को़सटो़को़ चाबाक्‌आ?

चेत्‌ लेकाम हुदिसेदा . . .

  • चाबाक्‌आ?

  • बाङ चाबाक्‌आ?

  • से चेतएम मेनकेया?

 धो़रो़म पुथीरे ओ़लाकाना

“ईसो़र . . . ओ़नको़वाक्‌ मेत्‌ खो़न सानाम मेत्‌ दाक्‌ए जो़दताको़वा; आर मो़रो़न आर दो़ बाङ ताहेना; आर हिरदा़नी . . . आर राक्‌जो़ङ . . . आर हासो़ हो़ं आर दो़ बाङ ताहेना।”—जो़हन ठेन सो़दो़राक्‌ 21:3, 4, संताली (रोमन )-R.V.

नो़वा बाबो़त तेम बाडाय लेखान चेत्‌ पो़रहो़ हो़यो़क्‌आ?

जिवी राड़ेजो़क्‌ ताबो़ना जे ईसो़र दो़ बाय दुकएत्‌ बो़ना।—जाको़बाक्‌ 1:13.

जिवी खा़तिरो़क्‌ ताबो़ना जे ईसो़र दो़ आबो़वाक्‌ दुक ए आ़यका़उवेदा।—सेकारिया 2:8.

आसराबो़न ञामएदा जे सानाम दुक को़सटो़को़ चाबाक्‌आ।—सेरेञको़ 37:9-11.

 चेत्‌ धो़रो़म पुथी रेयाक्‌ काथारे सा़रीगेबो़न पा़तिया़व को़क्‌आ?

हें, पा़तिया़वगे। नो़वा ला़गित्‌ ते बार काथाबो़न ओ़नमाना:

  • ईसो़र दो़ सासानताव आर बेहो़हो़क को़ हो़ड़े हिरखा़वाको़ काना। ञेल दाड़ेयाक्‌आबो़न जे सेदाय ओ़कतेरे आच्‌रेन हो़ड़को़ सानताव ओ़चो़लेन रे, ईसो़र चेत्‌ लेकाय आ़इका़उ लेदा। धो़रो़म पुथी रे मेनाक्‌आ जे, ईसो़र दो़ सासानतावको़ हो़ड़ बा़य कुसियाको़ काना।—बिक्‌-चा़रको़ 2:18.

    हो़ड़ को़को़सटो़ हो़ड़ दो़ ईसो़र सामाङ रेको़ का़य एदा। जे-लेका धो़रो़म पुथी रे मेनाक्‌आ, जे मिरिदो़स को़वाक्‌ माँयाँम आ़क्‌तु हो़ड़ दो़ ईसो़रे हिरखा़वाको़ काना।—का़हतुकको़ 6:16, 17.

  • ईसो़र दो़ आबो़ मित्‌ के मित्‌ हो़ड़ ला़गित्‌ दान्द मेनाक्‌ ताया। आबो़वाक्‌ दुक-जाला आर हिरदा़नी दो़ जेहो़वा ईसो़र हो़ंय बाडाय कान गेया।—2 बिबो़रो़न 6:29, 30.

    उसा़रागे जेहो़वा ईसो़र दो़ आच्‌आक्‌ राज हो़तेते आबो़ मित्‌ के मित्‌ हो़ड़ाक्‌ दुक आर को़सटो़ये चाबाया। (माथाये 6:9, 10) ओ़ना राज आ़वरी सेटेरो़क हा़बिच्‌, ईसो़र दो़ आच्‌रे टेहाडो़क्‌ कान होड़ को़वाक्‌ जिविये राड़ेच्‌ हाताड़ेत्‌ कान ताको़वा।—अपो़सतो़ल का़मिको़ 17:27; 2 को़रिनथीको़ 1:3, 4.

 हुदीस मे बाड़े

ईसो़र दो़ दुक आर को़सटो़ चेदाक्‌ बाय चाबावाकात्‌आ?

नो़वा रेयाक्‌ जो़बाब दो़ रोमीको़ 5:12 आर 2 पतरास 3:9 रे बो़न ञाम केया।