Soma ibirimo

Reba urutonde rw'ibirimo

 IMIBEREHO IKWIRIYE ABAKRISTO

Uko wakwiyigisha bikakugirira akamaro

Uko wakwiyigisha bikakugirira akamaro

IMPAMVU ARI IBY’INGENZI: Kwiyigisha Ijambo ry’Imana bidufasha “kwiyumvisha neza . . . , ubugari n’uburebure n’ubuhagarike n’ubujyakuzimu” by’ukuri (Ef 3:18). Nanone bituma dukomeza kuba abantu batariho umugayo kandi batagira inenge hagati y’abantu babi bo muri iyi si kandi tugakomeza “kugundira ijambo ry’ubuzima” (Fp 2:15, 16). Kwiyigisha Ijambo ry’Imana bituma buri wese ahitamo ibyo akeneye kwiyigisha. Twakora iki ngo igihe tumara dusoma kandi twiyigisha Bibiliya kitadupfira ubusa?

UKO WABIGENZA:

  • Jya utegura kandi ugire ibyo wandika muri Bibiliya ukoresha wiyigisha, yaba icapye cyangwa iyo mu gikoresho cya eregitoroniki

  • Mu gihe usoma Ijambo ry’Imana, jya wibaza ibibazo nk’ibi: “Nde? Iki? Ryari? Hehe? Kuki? Gute?”

  • Shaka ibihamya bikwemeza ko ibyo wiga ari ukuri. Jya ukora ubushakashatsi ku ngingo runaka cyangwa umurongo wo muri Bibiliya wifashishije ibikoresho ushobora kubona

  • Jya utekereza ku byo usoma kugira ngo urebe icyo ibyo umaze kumenya bikurebaho

  • Jya ukurikiza ibyo wiga mu buzima bwawe bwa buri munsi.​—Lk 6:47, 48

MUREBE VIDEWO IVUGA NGO: KOMEZA ‘KURIGUNDIRA’ WIYIGISHA MU BURYO BUFITE IREME,” HANYUMA MUSUBIZE IBIBAZO BIKURIKIRA:

  • Bamwe bavuze ko kwiyigisha ari iki?

  • Kuki twagombye kubanza gusenga mbere yo kwiyigisha?

  • Ni iki cyadufasha gusobanukirwa neza umurongo w’Ibyanditswe?

  • Ni ibihe bimenyetso twashyira muri Bibiliya twiyigishirizamo?

  • Kuki mu gihe twiga Ijambo ry’Imana twagombye gutekereza ku byo twiga?

  • Twakoresha dute ibyo tumaze kumenya?

“Mbega ukuntu nkunda amategeko yawe! Ni yo ntekereza umunsi ukira.”​—Zb 119:97