Zaburi 99:1-9

  • Yehova ni Umwami wera

    • Yicaye ku ntebe y’Ubwami hejuru y’abakerubi (1)

    • Imana irababarira kandi igahana (8)

99  Yehova yabaye Umwami. Abantu nibagire ubwoba. Yicaye ku ntebe y’ubwami hejuru* y’abakerubi. Isi ninyeganyege.   Yehova arakomeye muri Siyoni,Kandi asumba abantu bose.   Nibasingize izina ryawe rikomeye,Kuko riteye ubwoba kandi ari iryera.   Uri umwami ukomeye kandi ukunda ubutabera. Ni wowe washyizeho amahame akiranuka. Ni wowe watumye abakomoka kuri Yakobo bamenya ibikwiriye kandi bikiranuka.   Musingize Yehova Imana yacu, kandi mupfukame imbere ye.*Ni Imana yera.   Mose na Aroni bari bamwe mu batambyi be.Samweli yari umwe mu bamusengaga bavuga izina rye. Basengaga Yehova,Na we akabasubiza.   Yavuganaga na bo ari mu nkingi y’igicu, Kandi bumviraga inama n’amabwiriza yabahaga.   Yehova Mana yacu, warabasubizaga. Wababereye Imana ibabarira,Ariko wabahaniraga ibyaha byabo.   Nimusingize Yehova Imana yacu.Mupfukame imbere y’umusozi we wera,Kuko Yehova Imana yacu ari uwera.

Ibisobanuro ahagana hasi

Bishobora no kuvugwa ngo: “Hagati.”
Cyangwa “imbere y’intebe y’ibirenge bye.”