Zaburi 79:1-13

  • Isengesho ryavuzwe igihe abantu bagabaga ibitero ku bagaragu b’Imana

    • “Abadukikije baraduseka” (4)

    • “Dutabare ubigiriye izina ryawe” (9)

    • “Uhane abaturanyi bacu inshuro zirindwi” (12)

Indirimbo ya Asafu. 79  Mana, abantu bigabije umurage wawe,Banduza urusengero rwawe rwera,Kandi bahindura Yerusalemu amatongo.   Imirambo y’abagaragu bawe bayigaburiye ibisiga byo mu kirere,Imibiri y’indahemuka zawe bayigaburira inyamaswa zo mu isi.   Amaraso yabo bayamennye muri Yerusalemu hose nk’amazi,Kandi nta wasigaye ngo abashyingure.   Abaturanyi bacu baradusuzugura.Abadukikije baraduseka kandi bakatumwaza.   Yehova, uzarakara ugeze ryari? Ese uzakomeza kurakara kugeza iteka? Ese uburakari bwawe buzakomeza kuba bwinshi nk’umuriro utwika kugeza ryari?   Hana abantu batakumenye,Uhane n’ubwami butasingije izina ryawe.   Kuko bishe abakomoka kuri Yakobo,Maze igihugu cyabo bakagihindura amatongo.   Ntutubareho ibyaha bya ba sogokuruza. Tebuka utugaragarize imbabazi zawe,Kuko twacishijwe bugufi cyane.   Mana mukiza wacu, dutabare,Ubigiriye izina ryawe rihebuje.Udukize kandi utubabarire ibyaha byacu ku bw’izina ryawe. 10  Kuki abantu bavuga bati: “Imana yabo iri he?” Uzabahane ubaziza ko bamennye amaraso y’abagaragu bawe,Tubyibonere kandi n’abantu bose babibone. 11  Wumve gutaka kw’imfungwa, Kandi ukoreshe imbaraga zawe nyinshi, maze urinde abakatiwe urwo gupfa. 12  Yehova, uhane abaturanyi bacu inshuro zirindwi,Ubahora ibitutsi bagututse. 13  Naho twebwe abantu bawe, tukaba n’umukumbi wo mu rwuri rwawe,Tuzagushimira kugeza iteka ryose.Tuzagusingiza uko ibihe bigenda bisimburana.

Ibisobanuro ahagana hasi