Zaburi 59:1-17

  • Imana ni ingabo inkingira n’ubuhungiro bwanjye

    • “Ntugirire imbabazi abagambanyi” (5)

    • “Nzaririmba mvuga iby’imbaraga zawe” (16)

Ku muyobozi w’abaririmbyi. Iyi ndirimbo iri mu njyana yitwa “Wirimbura.” Mikitamu.* Ni zaburi ya Dawidi. Yayihimbye igihe Sawuli yoherezaga abantu bakagota inzu ya Dawidi kugira ngo bamwice. 59  Mana yanjye, nkiza abanzi banjye,Undinde abashaka kundwanya.   Unkize abakora ibibiN’abanyarugomo.   Dore barangenzura kugira ngo banyice.Abantu bafite imbaraga bangabaho ibitero,Kandi rwose Yehova, sinigeze nigomeka kandi nta cyaha nakoze.   Nubwo nta cyaha nakoze, bariruka bakitegura kungabaho igitero. Haguruka wumve gutaka kwanjye kandi urebe.   Yehova wowe Mana nyiri ingabo, uri Imana ya Isirayeli. Ngwino ugenzure abatuye ku isi bose. Ntugirire imbabazi abagambanyi. (Sela.)   Bagaruka buri mugoroba,Bakazenguruka umujyi bamoka nk’imbwa.   Bahora bavuga amagambo mabi.Iminwa yabo imeze nk’inkota,Kuko bavuga bati: “Nta wuzamenya ko ari twe twabivuze.”   Ariko wowe Yehova, uzabaseka.Uzaseka abantu bo mu bihugu byose.   Mana, ni wowe mbaraga zanjye kandi ni wowe mpanze amaso.Ni wowe mpungiraho nkagira umutekano. 10  Imana yo ingaragariza urukundo rudahemuka izantabara.Izatuma nishima hejuru y’abanzi banjye. 11  Ntubice kugira ngo abantu banjye batibagirwa. Ubazerereze ukoresheje imbaraga zawe.Yehova wowe ngabo idukingira ubarimbure, 12  Ubitewe n’amagambo mabi bavuga.Bafatirwe mu mutego w’ubwibone bwabo,Kubera ko bifuriza abantu ibibi kandi bakabeshya. 13  Ubarakarire cyane ubarimbure.Ubarimbure ntibazongere kubaho.Ubereke ko Imana ari yo itegeka mu bakomoka kuri Yakobo ikagera ku mpera z’isi. (Sela.) 14  Bareke bagaruke nimugoroba.Bareke bazenguruke umujyi bamoka nk’imbwa. 15  Ubareke bazerere bashaka icyo kurya,Ntiwemere ko bahaga cyangwa ngo babone aho barara. 16  Ariko njyewe nzaririmba mvuga iby’imbaraga zawe.Mu gitondo nzavuga nishimye iby’urukundo rwawe rudahemuka, Kuko naguhungiyeho nkagira umutekano,Kandi iyo ndi mu makuba ni wowe ngana. 17  Mana ni wowe mbaraga zanjye, nzakuririmbira.Ni wowe mpungiraho nkagira umutekano, kandi ungaragariza urukundo rudahemuka.

Ibisobanuro ahagana hasi