Zaburi 17:1-15

  • Isengesho ryo gusaba kurindwa

    • “Wasuzumye umutima wanjye” (3)

    • “Mu mababa yawe” (8)

Isengesho rya Dawidi. 17  Yehova, umva kwinginga kwanjye ngusaba ubutabera.Tega amatwi gutabaza kwanjye.Umva isengesho ryanjye ngutura nta buryarya.   Ncira urubanza rutabera.Amaso yawe arebe ibikwiriye.   Wasuzumye umutima wanjye. Nijoro warangenzuye,Urantunganya.Wabonye ko ntigeze ntekereza gukora ibidakwiriye,Kandi sinzavuga ibibi.   Nanone ku birebana n’ibyo abantu bakora,Nirinze ibikorwa by’abambuzi kuko numviye ijambo ryawe.   Umfashe nkomeze gukora ibyo ushaka,Kugira ngo ntateshuka nkareka kukumvira.   Mana yanjye, nzagusenga kuko uzansubiza. Ntega amatwi* wumve amagambo yanjye.   Nyereka ibikorwa bitangaje bigaragaza urukundo rwawe rudahemuka.Ni wowe ukiza abashakira ubuhungiro mu kuboko kwawe kw’iburyo,Bahunga abakwigomekaho.   Mana yanjye ndinda nk’uko urinda imboni y’ijisho ryawe,Umpishe mu mababa yawe.   Ndinda unkize abantu babi bangabaho ibitero.Nkiza abanzi banjye bankikije kugira ngo batanyica. 10  Imitima yabo yabaye ikinya.Amagambo yabo yuzuyemo kwiyemera. 11  Dore baratugose.Baduhozaho amaso bashaka kutugirira nabi. 12  Buri wese muri bo ameze nk’intare ishaka gutanyagura umuhigo wayo,Cyangwa intare ikiri nto itegerereje aho yihishe kugira ngo igire icyo ifata. 13  Yehova, haguruka ubarwanye, ubatsinde,Maze ubankize ukoresheje inkota yawe. 14  Yehova, nkiza ukoresheje ukuboko kwawe.Nkiza abantu b’iyi si bashishikazwa gusa n’ibyiza by’ubu buzima.Bahaze ibintu byiza utanga,Kandi babiraga n’abana babo benshi. 15  Ariko njye nkora ibikwiriye kandi ni byo bituma unyishimira.Nkanguka nzi ko uri kumwe nanjye kandi numva nyuzwe.

Ibisobanuro ahagana hasi

Cyangwa “unama untege amatwi.”