Zaburi 142:1-7

  • Isengesho ry’umuntu usaba kurindwa abamutoteza

    • “Nta hantu nahungira” (4)

    • “Ni wowe wenyine mfite” (5)

Masikili.* Isengesho rya Dawidi igihe yari mu buvumo. 142  Ndangurura ijwi ngatabaza Yehova.Ndangurura ijwi ngatakambira Yehova, musaba ngo angirire neza.   Mubwira ibintu byose bimpangayikishije,Nkamurondorera ibibazo byanjye byose.   Mana, iyo nacitse intege, Ndagusenga. Bantega imitego mu nzira nyuramo,Ariko ni wowe uzi aho nkwiriye kunyura.   Itegereze iburyo bwanjye,Urabona ko nta muntu n’umwe ukinyitayeho. Nta hantu nahungira.Nta muntu numwe umpangayikiye.   Yehova, ndakwinginze mfasha. Ni wowe mbwira nti: “Uri ubuhungiro bwanjye,Kandi mu mibereho yanjye, ni wowe wenyine mfite.”   Umva ijwi ryo kwinginga kwanjye,Kuko mfite imbaraga nke cyane. Nkiza abantoteza,Kuko bandusha imbaraga.   Meze nk’umuntu uri muri gereza.Nkuramo kugira ngo nsingize izina ryawe. Abakiranutsi nibankikize,Kuko ungirira neza.

Ibisobanuro ahagana hasi