Zaburi 137:1-9

  • Ku migezi y’i Babuloni

    • Ntitwaririmba indirimbo z’i Siyoni (3, 4)

    • Babuloni izarimbuka (8)

137  Twicaraga ku nkombe z’inzuzi z’i Babuloni, Kandi iyo twibukaga Siyoni twarariraga.   Twari twaramanitse inanga zacuMu biti byaho,* bimera ku nkombe z’inzuzi.   Igihe twari yo, abari baratwigaruriye badusabaga kubaririmbira,Kandi bakaduseka bishimisha, bavuga bati: “Nimuturirimbire imwe mu ndirimbo z’i Siyoni!”   Ariko se twari kuririmbira dute indirimbo ya Yehova,Mu gihugu kitari icyacu?   Yerusalemu we, ninkwibagirwa,Ukuboko kwanjye kw’iburyo ntikuzashobore gukora.*   Yerusalemu we, ninkwibagirwa,Cyangwa simbone ko ari wowe utuma ngira ibyishimo byinshi,Ururimi rwanjye,Ruzafatane n’urusenge rw’akanwa.   Yehova, wibuke ibyo Abedomu bavugaga, ku munsi Yerusalemu yaguyeho,Ukuntu bavugaga bati: “Nimuyisenye! Nimuyisenye mugeze kuri fondasiyo yayo!”   Wa mujyi wa Babuloni we, ugiye kurimburwa!Umuntu uzagukorera nk’ibyo wadukoreye,Akakwishyura ibibi waduteje, azabona imigisha.   Umuntu uzafata abana baweAkabahonda ku rutare, azabona imigisha.

Ibisobanuro ahagana hasi

Byerekeza kuri Babuloni.
Bishobora no kuvugwa ngo: “Kuzagagare.”